«بارىس» «لوكوموتيۆتەن» ۇتىلدى

ءبىرىنشى كەزەڭدى «لوكوموتيۆ» 1:0 ەسەبىمەن اياقتادى. 8 مينۋتتا ەگور اۆەرين گول سوقتى. ۇزىلىستەن كەيىن قوناقتار قاتارىنان ءۇش مارتە مەرگەندىك تانىتىپ, قازاقستاندىق جانكۇيەرلەردى ءبىر جەلپىندىرىپ تاستادى – 1:3. بۇل گولداردىڭ اۆتورلارى – ۆالەري ورەحوۆ, كيريلل پانيۋكوۆ جانە مەتتيۋ فرەتتين. بىراق بۇل جاعداي جەرگىلىكتى حوككەيشىلەردىڭ ساعىن سىندىرا العان جوق. «ارەنا-2000-لوكوموتيۆ» سپورت كەشەنىنە جينالعان 8 مىڭ كورەرمەننىڭ قولداۋىمەن دامىلسىز شابۋىلداعان ياروسلاۆلدىكتەر ءتورت رەت نىسانانى ءدال كوزدەپ, كوزدەگەن ماقساتتارىنا قول جەتكىزدى – 5:3.

قازىرگى كەزدە «بارىس» تۇراقتى بىرىنشىلىكتە 9 ورىندى يەلەنۋدە. وسى كۇنگە دەيىن 30 كەزدەسۋ وتكىزگەن جەرلەستەرىمىز 42 ۇپايدى قورجىنعا سالدى. ەندى ءوزىنىڭ كەلەسى باسەكەسىن استانالىق حوككەيشىلەر 27 قاراشادا چەرەپوۆەتستە جەرگىلىكتى «سەۆەرستال» كلۋبىنا قارسى وتكىزەدى.   

عالىم سۇلەيمەن,

«ەگەمەن قازاقستان»