وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ مالىمەتىنشە, وڭىردە باسقا اۋداندارعا قاراعاندا ۋسپەن اۋدانىنا قونىس اۋدارۋشىلار سانى ارتۋدا.
اۋدانعا ىشكى قوشى-قون بويىنشا 20 وتباسى (92 ادام) , سىرتقى كوشى-قون بويىنشا 25 وتباسى (89 ادام) كەلدى.
مىسالى, ماڭعىستاۋ وبلىسىنان 26 ادامى بار 5 وتباسى, تۇركىستان وبلىسىنان 14 ادامى بار 3 وتباسى, جامبىل وبلىسىنان 4 ادامى بار,1 وتباسى, الماتى وبلىسىنان 33 ادامى بار 7 وتباسى, قىزىلوردا وبلىسىنان 15 ادامى بار 4 وتباسى اۋدانعا قونىس اۋدارعان.
سونىمەن بىرگە, ارالارىندا «سەرپىن» باعدارلاماسى بويىنشا وقۋ ءبىتىرىپ كەلگەن روزيا اتەمباەۆا, سارى قىستاۋباي, راحمانوۆا ديلبار, ەسەنباەۆ قولداس, قۇنانباي جالىن دەگەن جاستار دا بار.
اۋدانعا بارعان جولساپار كەزىندە بىزدە جاستارمەن كەزدەستىك. باسقارمانىڭ مالىمەتىنشە, ىشكى كوشى قون بويىنشا جۇمىسقا جارامدى 46 ادامنىڭ 37-ءسى تۇراقتى جۇمىسقا ورنالاستىرىلىپتى.
تۇركىستان وبلىسى, سايرام اۋدانىنان قونىس اۋدارعان نيازتاەۆ ماديكاريمنىڭ 200-گە تاياۋ ءىرى قارا مالى بار, وعان 300 گەكتار جەر بەرىلگەن.
شىمكەنتتىك جالعاس كەنجەەۆ 6 پايىزدىق تومەن مولشەرلەمەمەن 3 ميلليون تەڭگە نەسيە العان. قازىر كەنجەەۆ قوجالىعىندا 14 باس سيىر بار, قورا سالىپ جاتىر.
ال سىرتقى كوشى-قون بويىنشا اۋدانداعى ولگينو اۋىلىنا قىتايدان كوشىپ كەلگەن 25 وتباسى جۇمىسپەن قامتىلۋدا. ىشكى جانە سىرتقى كوشى-قون بويىنشا كوشىپ كەلگەن ءاربىر وتباسى مۇشەسىنە جول شىعىندارىن وتەۋ ءۇشىن بەرىلەتىن 35 ەسەپتىك كورسەتكىش مولشەرىندەگى قارجى 44 وتباسىنا بەرىلدى.
اۋىلداعى مەكتەپتە بارلىعى 1-11 سىنىپتار ارالىعىندا جەرگىلىكتى تۇرعىنداردىڭ 66 بالاسى ءبىلىم الۋدا.
ال, قىتايدان اتا-اناسىمەن بىرگە كەلگەن 16 وقۋشى ۇشىن قازاق تىلىندە ءبىلىم بەرەتىن 4 سىنىپ اشىلدى: 1-سىنىپتا 4 وقۋشى, 2-سىنىپتا 7 وقۋشى, 3-سىنىپتا 4 وقۋشى, 4-سىنىپتا 1 وقۋشى بار.
جالپى, كوممۋنالدىق قىزمەتتەرگە اقى تولەۋ شىعىستارىن وتەۋگە سۋبسيديا, وتباسىلار ءۇيدى بىردەن ساتىپ العاندىقتان ەرەجەگە سايكەس 12 ايدىڭ اقشاسىن ءبىر رەتتە 38 وتباسىنا بەرىلگەن.
فاريدا بىقاي,
«ەگەمەن قازاقستان»
پاۆلودار وبلىسى, ۋسپەن اۋدانى