«Egemen Qazaqstan» گازەتى – قانشا جىلدان بەرى قازاق وقىرماندارىنىڭ ەڭ سەنىمدى سەرىگى. ونىڭ ەلىمىزدىڭ ەڭ بەدەلدى, ەڭ كوپ تارالىمى بار, ەلدەگى بارلىق تاقىرىپقا ءۇن قاتاتىن باستى گازەتىنە اينالعانىنا قانشاما جىل. اتى دا, باسشىلارى دا وزگەرىپ جاتتى, بىراق «Egemen Qazaqstannyń» ەلدىڭ ءومىرىن جان-جاقتى كورسەتۋگە ارنالعان ساياساتى ءالى كۇنگە دەيىن تولاستاعان جوق.
بۇل گازەتتەن نە تابۋعا بولادى؟ گازەتتەن ەلىمىزدىڭ ىشكى-سىرتقى ساياساتىن, ولاردىڭ قالاي جۇرگىزىلىپ جاتقانىن, پرەزيدەنتتىڭ جولداۋى مەن ونىڭ ءتۇسىندىرىلۋىن, ودان كەيىن «رۋحاني جاڭعىرۋ» اتتى ءارى ساياسي, ءارى مادەني, ادەبي, ءومىرىمىزدىڭ سالالارىن حالىققا جان-جاقتى تۇسىندىرەتىن, تانىستىراتىن رۋبريكالار تابا الامىز. ول قالاي ءجۇرىپ جاتىر, ءبىز رۋحانيات جاعىنان قالاي جاڭعىرىپ جاتىرمىز, ول ءۇشىن قانداي مىندەتتەردى اتقارىپ جاتىرمىز, شەتەلدەرمەن بايلانىسىمىز قانداي دارەجەگە جەتتى, بۇرىن ول اقساپ تۇرعان ماسەلە ەدى, تەك قانا انشىلەرىمىز بارىپ قايتقانى بولماسا, جاپپاي قازاق ادەبيەتى مەن مادەنيەتىن شەتەلگە تانىستىرۋ بولىپ كورمەگەن ەدى. بۇل گازەتتە وسى ماسەلە قازىر كەڭىنەن ناسيحاتتالۋدا. تەاتر, كينو فەستيۆالدارى ءوتىپ جاتىر. ءبىزدىڭ كينولارىمىزدىڭ شەتەلدىك جەڭىستەرى – وسىلاردىڭ ءبارى ەلدى قۋانتا ما؟ قۋانتادى! ارماندادىق پا؟ ارماندادىق! قاشان بولادى دەدىك پە؟ دەدىك! مىنە, وسى تۋرالى ماتەريالداردى گازەت بەتىنەن وقىپ تۇرۋعا مۇمكىندىك بار.
ادەبيەت سالاسى بولسىن, ونەر سالاسى بولسىن, ەكونوميكا سالاسى بولسىن, تاريح, جەكە تۇلعالار, بۇرىن كومەسكى بولىپ كەلگەن تاريح بەتتەرى – سولاردىڭ ءبارى قازىر ەلگە تانىلۋدا. ارينە, گازەت ەلىمىزدىڭ جەتىستىگىن كوبىرەك ايتادى, ونسىز تاعى بولمايدى. ىلعي سىني ماتەريالدار بولا بەرسە, وزىمىزدەن ءوزىمىز پۇشايمان بولىپ كەتپەيمىز بە؟! سوندىقتان ەلىمىزدە بولىپ جاتقان وزگەرىستەردى, كورىنىستەردى, جاڭا باعىتتاردى ءبىلۋ ءۇشىن وسى گازەتتى اشامىز. تاريحتى بىلگىڭىز كەلسە, «ەگەمەننىڭ» بەتىن اشىڭىز. تاريحي تۇلعالاردىڭ ومىرىمەن تانىسقىڭىز كەلسە, «ەگەمەن» گازەتىن وقىڭىز. ادەبيەتتىڭ بۇگىنگى تىنىسىن, ەرتەڭگى بولاشاعىنا بولجامدى بىلگىڭىز كەلسە, وسى گازەتتى قولعا الىپ كورىڭىز.
بۇل گازەت – وقىرماندارىمىزدىڭ ەڭ سەنىمدى سەرىگى جانە ەلىمىزدە ەڭ كوپ تاراعان باسىلىمداردىڭ ءبىرى. سوندىقتان ءوزىم قانشا جىلدان بەرى وسى «Egemen Qazaqstan» گازەتىن وقىپ كەلە جاتىرمىن. گازەت بولعان سوڭ اركىمنىڭ ءارتۇرلى پىكىرى بولا بەرەدى. سوعان قاراماستان, «Egemen Qazaqstan» ەلىمىزدەگى باسپاسوزدەگى كوشباسشى ەكەنىن تانىتىپ كەلە جاتىر. سول تۇعىرىنان تۇسپەسىن! ءومىردىڭ بارلىق سالاسىن بىلگىلەرىڭىز كەلسە, وزدەرىڭىزدىڭ سەنىمدى سەرىكتەرىڭىز – وسى «Egemen Qazaqstan» جازدىرتىپ الىپ, ۇيدە وقىڭىزدار. مەنىڭ ايتاتىنىم وسى.