گەورگي تسەرەتەلي ەل باستامالارىنا جوعارى باعا بەردى

كەزدەسۋ بارىسىندا نۇرلان نىع­ماتۋلين قازاقستان پارلا­مەنتى ەقىۇ پا-مەن ىنتىماق­تاستىقتى ودان ءارى نىعايتۋعا ۇل­كەن ءمان بەرەتىنىن ايتتى. 

ءماجىلىس توراعاسىنىڭ پىكى­رىنشە, پارلامەنتتىك اسسام­بلەيا­نىڭ سۇحبات الاڭى ورتاق ماق­ساتتارعا قول جەتكىزۋ ءۇشىن سىن­دارلى پارلامەنتارالىق ۇنقا­تى­سۋدىڭ ءتيىمدى قۇرالى رەتىندە قولدانىلۋى قاجەت. 

ولاردىڭ ءبىرى ترانسۇلتتىق پروبلەمالار مەن قاۋىپ-قاتەر­لەرگە قارسى ءىس-قيمىل جاساۋ. 

وسى رەتتە, پالاتا سپيكەرى ەلباسى ن.نازارباەۆتىڭ بۇۇ-داعى باستاماسىمەن تەرروريزمگە قارسى جاھاندىق جەلىنى قۇرۋ تۋرالى, سونداي-اق وسى جىلدىڭ قىركۇيەك ايىندا نيۋ-يوركتە قول قويىلعان تەرروريزمنەن ازات الەمگە قول جەتكىزۋگە ار­نالعان مىنەز-ق ۇلىق كودەكسىنىڭ ما­ڭىزدىلىعىن اتاپ ءوتتى.

ءوز كەزەگىندە گەورگي تسەرە­تەلي قازاقستان مەن ەقىۇ ارا­سىنداعى جانە ەقىۇ پارلا­مەنت­تىك اسسامبلەياسى مەن قازاق­ستاندىق پارلامەنت وكىلدەرى ارا­سىنداعى ءتيىمدى قاتىناس تۋرا­لى ايتا كەلىپ, قازاقستان ەقىۇ-نىڭ توراعاسى رەتىندە ما­ڭىزدى ءرول اتقارعانىن, ءارى ۇنەمى وتە ماڭىزدى جانە سەنىمدى كاسىبي ارىپتەس بولا بىل­گەنىن اتاپ ءوتتى. ەقىۇ پا تورا­عاسى قازاقستان پرەزيدەنتى نۇرسۇل­تان نازارباەۆتىڭ حالىقارا­لىق قا­دامدارىنا ەرەكشە نازار اۋدارىپ, اسىرەسە الەمدىك جانە ءداستۇرلى دىن­دەر كوشباسشىلارىنىڭ سەزىن وتكىزۋ تۋرالى باستاماسىنا جو­عارى باعا بەردى. 

– بۇل وتە ماڭىزدى, سەبە­بى ول راديكاليزم, ءدىني توزبەۋ­شى­لىكتىڭ كورىنىستەرى سياقتى قاۋىپ-قاتەرلەرگە قارسى تۇرۋعا باعىت­تالعان. ءبىز, سونداي-اق قازاقستان پار­لامەنتىمەن اراداعى بايلانىستى جو­عارى باعالايمىز, − دەدى گەورگي تسەرە­تەلي.

ءوزارا ىنتىماقتاستىق تۋرالى ايتا كەلە, نۇرلان نىعماتۋلين ەقىۇ پارلامەنتتىك اسسام­بلەيا­سى وكىلدەرىنىڭ كەلەسى جىلى اس­تانادا وتەتىن ەۋرازيالىق پار­­لامەنتتەر سپيكەرلەرىنىڭ ءتور­­تىنشى جينالىسىنا قاتىسۋى بۇكىل ەۋرازيا كەڭىستىگىندە وزەك­تى ما­سەلەلەر بويىنشا پىكىر ال­ما­سۋعا ىقپال ەتەتىنىنە سەنىم ءبىلدىردى.