سلەت قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى ماڭعىستاۋ وبلىسى بويىنشا دەپارتامەنتىنىڭ الەۋمەتتىك مەملەكەتتىك تاپسىرىسى اياسىندا «ازاماتتىق قۇقىق» جەكە مەنشىك مەكەمەسىنىڭ ۇيىمداستىرۋىمەن وتكىزىلدى.
العاشقى بولىپ ءسوز العان اگەنتتىكتىڭ اۋماقتىق دەپارتامەنتىنىڭ باسشىسى, ادەپ جونىندەگى كەڭەس ءتورايىمى نۇرگۇل جاننازاروۆا وڭىرىمىزدەگى 146 مەكتەپتە اشىلعان 60-مىڭعا جۋىق مۇشەسى بار ەرىكتى مەكتەپ كلۋبتارىنىڭ ماقساتى ءبىلىم وردالارىندا اسا ونەگەلى, جاۋاپتى باستاماشىل جانە الەۋمەتتىك قۇزىرلى ازاماتتارمەن ءپاتريوتيزمدى قالىپتاستىرۋ ءۇشىن جاعداي جاساۋ اياسىندا اۋقىمدى جۇمىستار اتقارىلىپ جاتقاندىعىن ايتتى.
- «ادال ۇرپاق» ەرىكتى مەكتەپ كلۋبتارىنىڭ كوزدەيتىنى – جاس ۇرپاقتى ازاماتتىققا, وتانسۇيگىشتىككە, ادامنىڭ قۇقىقتارىنا, بوستاندىقتارىنا جانە مىندەتتەرىنە قۇرمەتپەن, ەڭبەكسۇيگىشتىككە, وقۋعا, ەڭبەككە, ومىرگە جاسامپازدىقپەن قاراۋعا جانە ولاردىڭ بويىندا سىبايلاس جەمقورلىققا توزبەۋ مادەنيەتىن قالىپتاستىرۋعا تاربيەلەۋ بولىپ تابىلادى» دەدى ول.
مۇنان سوڭ وبلىس مەكتەپتەرىنىڭ 9-11 سىنىپ وقۋشىلارى اراسىندا وتكەن «ەسەپ بەرۋشى مەملەكەت» تاقىرىبىنداعى بەينەروليكتەر جانە 5-8 سىنىپ وقۋشىلارى اراسىندا وتكەن «پاراسىز بولاشاق» سۋرەتتەر بايقاۋىنىڭ جەڭىمپازدارى ماراپاتتالدى.
بايقاۋ جەڭىمپازدارى ماراپاتتالعان سوڭ, شاراعا قاتىسۋشىلار ماڭعىستاۋ وبلىستىق ولكەتانۋ مۇراجايىمەن تانىسىپ, «پاراسىز بولاشاق» سۋرەتتەر بايقاۋىنا كەلىپ تۇسكەن بالالاردىڭ قيالىنان تۋىنداعان شىعارمالاردىڭ كورمەسىن تاماشالادى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى