سەمەي قالاسىنىڭ قازىرگى الەۋمەتتىك جاعدايىنا وبلىس اكىمى دانيال احمەتوۆ جاقسى باعا بەرىپ وتىر. ءتىپتى سەمەيدى قازاقستانداعى ەڭ كورىكتى قالا قاتارىنا قوسامىز دەيدى وبلىس باسشىسى.
- ءبىزدىڭ شىعىس قازاقستان وبلىسىنىڭ سەمەي قالاسىنداعى مەملەكەتتىك مەديتسينا ۋنيۆەرسيتەتىندە ەڭ ۇزدىك دارىگەرلەر, ماماندار دايارلانادى دەپ ايتا الامىن. ەلىمىز بويىنشا شىعىس وڭىردە عانا بۇكىل مەديتسينانى حالىقارالىق ستاندارتقا ساي جابدىقتاپ وتىرمىز. بۇل دەگەنىمىز ادامدار ءۇشىن جاسالعان ءومىر ءسۇرۋ ساپاسىن جاقسارتۋ بولىپ تابىلادى. تۇرعىندار جاعدايلارىنىڭ جاقسارعاندىعىن ءاردايىم سەزىنەتىن بولادى. ءتىپتى وسى سەمەيدەگى جەدەل مەديتسينالىق جاردەم اۋرۋحاناسىندا جاڭا جىلدان باستاپ وپەراتسيا جاسايتىن گيبريدتى زال جۇمىس ىستەيدى. بۇنداي وپەراتسيا جاسايتىن زال تمد ەلدەرىندە دە, رەسەيدە دە جوق. ءبىزدىڭ ادامدار وپەراتسيا جاساۋ ءۇشىن ەندى رەسەيگە اعىلمايدى. كەرىسىنشە نوۆوسيبيرسكى قالاسىنداعىلار بىزگە قاراي اعىلاتىن بولادى. اياگوز قالاسىندا ينسۋلتتى ورتالىق اشىپ, ول جاقتا ەڭ جوعارى دەڭگەيلى پەرزەنتحانانى ىسكە قوستىق. زىريان قالاسىندا, قازىرگى اتاۋى التاي, ول جاقتا دا وسىلاي ەكەنىن اتاپ وتكىم كەلەدى. ال ەندى ءبىلىم سالاسىنا كەلسەك, «نۇر وتان» پارتياسىنىڭ سەزىندە 2020 جىلعا دەيىن ەلىمىز بويىنشا 1000 ءىت سىنىپتار اشىلۋى كەرەك دەگەن تاپسىرما بەرىلدى. ءبىزدىڭ وبلىستا ءار مەكتەپ بويىنشا تولىقتاي جابدىقتالعان ءىت سىنىپتار بار. ولاردىڭ دەڭگەيى جوعارى, ءبىز روبوتوتەحنيكا سىنىپتارىن باعدارلاۋ سىنىپتارىمەن بىرىكتىردىك. ەگەر تۇپتەپ كەلگەندە ءبىز وسى ءىت سىنىپتاردى جاڭدان ورناتساق, وندا ءبىز باعدارلاماسىنىڭ فرانزيشاسىنا 2,7 ميلليارد تەڭگە تولەۋىمىز ءتيىس ەدى. بىراق, ءبىزدىڭ سەمەيدەگى ەلەكتروتەحنيكالىق كوللەدج ۇجىمى بۇل باعدارلامانى وزدەرى جاساپ شىعاردى. قر ءبىلىم جانە عىلىم مينيسترلىگى بۇل باستامانى بەكىتتى. سوندىقتان ءبىز قانشاما قاراجاتتى ۇنەمدەپ قالدىق. ءسويتىپ ءىت سىنىپتار ءۇشىن قاجەتتى باعدارلامانى 52 ميلليون تەڭگەمەن قامتىدىق. ەندى مىنە, كەلەر جىلى شقو 655 مەكتەبىندە ءىت سىنىپتار تولىق جۇمىسقا كىرىسەدى. سەمەي قالاسىنىڭ ءار تۇرعىنى ەكونوميكا كوتەرىلىپ كەلە جاتقاندىعىن ءبىلۋى كەرەك. قالا بويىنشا وسىنداي اۋلالاردا 4 مىڭ بەينەكامەرا قويامىز. ءتىپتى ەۋروپانىڭ كوپتەگەن قالالارىندا مۇنداي جاڭاشىلدىق جوق. قالانى كورىكتەندىرىپ, شەت اۋداندارىنىڭ ينفراقۇرىلىمىن قالىپقا كەلتىرەمىز, - دەدى دانيال كەنجەتاي ۇلى.
وبلىس اكىمىنىڭ ايتۋىنشا, پولكوۆنيچي ارالى, ەندىگى اتاۋى بەيبىتشىلىك, ەكولوگيالىق ساياباققا اينالماق.
- ارالعا كەلەر جىلى كوپىردىڭ ىرگەتاسى سالىنادى. مۇنداي دۇنيە وسكەمەن قالاسىندا دا قولعا الىنعان. ولاردىكى مامىردىڭ 1-ىنە دەيىن دايىن بولادى. ال سىزدەردىكى قىركۇيەككە دەيىن جاسالۋى ءتيىس. وسىلايشا سەمەيلىكتەر ءۇشىن سپورتپەن اينالىسىپ, دەمالاتىن تاماشا ورىن پايدا بولماق. مەن سەمەيدەگى جۇمىس ورىندارىن دا قاداعالايتىن بولامىن. سەمەي ەلىمىزدەرگى ەڭ مىقتى قالاعا اينالۋى ءتيىس,-دەدى د.كەنجەتاي ۇلى.
راۋشان قابجانقىزى,
سەمەي