ءبىز, اعا بۋىن وكىلدەرى, ەلىمىزدىڭ ەرتەڭى بولاتىن جاستارعا زور ءۇمىت ارتامىز. ەلدىك پەن تاۋەلسىزدىكتىڭ كيەلى كوك تۋىن اسقاقتاتا جەلبىرەتەتىن – جاستار, سىزدەر بولاسىزدار. ءبىزدىڭ الدىمىزداعى اعا ۇرپاق – وتاندى ءسۇيۋ مەن ەلگە قىزمەت ەتۋدىڭ جارقىن ۇلگىسىن كورسەتتى. ولار ەلىن جاۋدان قورعاپ, تۇرالاعان حالىق شارۋاشىلىعىن قالپىنا كەلتىردى, قيىن-قىستاۋ زاماندا قاجىر-قايراتتارىن اياماي جۇمساپ ەڭبەك ەتتى. بۇگىنگى ءبىزدىڭ اعا بۋىن − تاۋەلسىز قازاقستاننىڭ قۇتتى ىرگەسىن قالاۋشىلار!
پاتريوتيزم جايلى ايتۋعا ءبىزدىڭ تولىق قۇقىمىز بار. اعا بۋىننىڭ ايتارى – ناقتى ء ىس-تاجىريبەدەن تۋىنداعان ۇلگى-ونەگە, عيبراتتى تاعىلىم.
XXI عاسىر – جاھاندىق جاس, قۋاتتى جانە تالانتتى ادامداردىڭ ءداۋىرى. ءبىزدى سىزدەردىڭ ازاماتتىق پوزيتسيالارىڭىز, بىلىمگە قۇشتارلىقتارىڭىز, يننوۆاتسياعا اشىق بولۋعا تالپىنىستارىڭىز قۋانتادى. وتانىمىزدىڭ وركەندەۋىنە ۇلەس قوسىپ جۇرگەن جاستار از ەمەس. الەم جۇرتى كوپ ۇزاماي جاس قازاقستاندىق مىقتى عالىمدار, دارىگەرلەر, ينجەنەرلەر, تالانتتى مۋزىكانتتار مەن سپورتشىلار تۋرالى ەستىپ-بىلەتىن بولادى. ەلىمىزدە جاستاردىڭ الەۋەتىن دامىتۋعا جانە جۇزەگە اسىرۋعا قاجەتتى جاعداي مەن مۇمكىندىكتەر مولىنان جاسالۋدا. اتاپ ايتقاندا «100 ناقتى قادام», «100 جاڭا ەسىم», «جۇمىسپەن قامتۋدىڭ جول كارتاسى-2020», «بيزنەستىڭ جول كارتاسى-2020», «ديپلوممەن – اۋىلعا!», «بولاشاق», «جاسىل ەل», «قولجەتىمدى باسپانا», «7-20-25» باعدارلامالارى ارقىلى ۇلت جوسپارىندا جاستاردى قولداۋعا باعىتتالعان شارالار كوپتەپ قاراستىرىلعان. مەملەكەتىمىزدە جاسالىپ جاتقان ماقساتتى جۇمىستار سىزدەر ءۇشىن, سىزدەردىڭ بولاشاقتارىڭىز بەن ەلىمىزدىڭ كوركەيۋىنە كەڭ ارنا اشادى. قازاقستان دامىعان قۋاتتى 30 ەلدىڭ قاتارىندا بولۋى ءۇشىن سىزدەردىڭ قاجىر-قايراتىڭىز قاجەت. سىزدەر العان بىلىمدەرىڭىز بەن كۇش-جىگەرلەرىڭىزدى بارىنشا پايدالانا بىلسەڭىزدەر عانا ەل بولاشاعى جارقىن بولىپ, ەلباسى جولداۋىنداعى قويىلعان ماقسات-مىندەتتەرگە جەتەمىز.
ەلىمىزدىڭ كەلەشەگى كەمەل بولۋى, گۇلدەنىپ-وركەندەۋى جاستاردىڭ ءبىلىم دەڭگەيى مەن باسەكەگە قابىلەتتىلىگىنە تىكەلەي بايلانىستى. جاستارىمىز ءبىلىمدى بولسا, ول − ەلىمىز ءۇشىن ينتەللەكتۋالدىق كاپيتال.
سوندىقتان جاستارىمىز ۇزدىكسىز ىزدەنىپ, بىلىمدەرىن جان-جاقتى جەتىلدىرۋگە, قازىرگى جاھاندىق الماعايىپتار كەزىندە زاماناۋي تالاپتاردىڭ ۇدەسىنەن شىعۋعا ۇمتىلۋى ءتيىس. وتان ءاربىر قازاقستاندىقپەن بىرگە ەلىمىزدەگى وزگەرىستەر ۇدەرىسىنە جاستاردىڭ دا بەلسەندى اتسالىسۋىن تالاپ ەتۋگە حاقىلى.
سىزدەردىڭ الدارىڭىزدان اتا-بابالار ارمانداپ كورمەگەن عالامات مۇمكىندىكتەر اشىلۋدا. ءبىزدىڭ جەڭىستى جولىمىز بەن جاسامپاز ءداستۇرىمىزدى سىزدەر لايىقتى جالعاستىراسىزدار دەپ سەنەمىز.
جاستار ەلىمىزدىڭ ەكونوميكاسىنا, الەۋمەتتىك سالالارىنا, قوعامدىق ومىرىنە دە, عىلىم مەن مادەنيەتىنە دە, جالپى رۋحانياتى مەن زاڭدىق-قۇقىقتىق-تارتىپتىك تۇرعىدان جاقسارىپ كەمەلدەنە تۇسۋىنە دە ءوز ۇلەستەرىن قوسادى. سونىمەن بىرگە جاستار بابالار اماناتىنا ادال بولىپ, ۇلكەندى سىيلاپ, كىشىگە قامقور بولۋى كەرەك. ۇلتتىق كودىمىزدى كوزدىڭ قاراشىعىنداي ساقتاپ, انا ءتىلىمىزدىڭ مارتەبەسىن كوتەرۋگە ۇلەس قوسىڭىزدار. كوپۇلتتى ەلىمىزدىڭ ءبىر شاڭىراق استىندا تاتۋ-ءتاتتى, ىنتىماقتا ءومىر ءسۇرۋى – ءبىزدىڭ ەلدىڭ زور جەتىستىگى. ء دال وسى جەتىستىكتى ودان ءارى بيىك تۇعىرعا كوتەرە بەرىڭىزدەر.
ەلباسى ءوز جولداۋىندا 2019 جىلدى جاستار جىلى دەپ جاريالادى. قازاقستاننىڭ جارقىن بولاشاعى – جاستارمەن! اعا بۋىن جاستارعا سەنەدى!
ۇندەۋ قازاقستان رەسپۋبليكاسى ارداگەرلەر ۇيىمى ورتالىق كەڭەسىنىڭ سەمينار-كەڭەسىندە قابىلداندى