فۋتزالدان حورۆاتيانىڭ پورەچ قالاسىندا وتكەن حالىقارالىق تۋرنيردە كاكاۋ باپتاعان كۋۆەيتتىڭ ۇلتتىق قۇراماسى كۇمىس مەدالدى يەلەندى.
كۋۆەيت قۇراماسى جايىندا ءبىز بەكەر اڭگىمەلەپ وتىرعان جوقپىز. قازىرگى كەزدە وسى كوماندانىڭ تىزگىنىن ۇستاعان برازيليالىق مامان كەزىندە جەرلەستەرىمىزدى دە جاتتىقتىردى. 2013-2018 جىلدار ارالىعىندا كاكاۋدىڭ جەتەكشىلىگىمەن الماتىنىڭ «قايراتى» ۋەفا كۋبوگىن ەكى مارتە ولجالاپ, باسقا دا حالىقارالىق تۋرنيرلەردە تالاي مارتە توپ جاردى. قازاقستاننىڭ ۇلتتىق قۇراماسى ەۋروپا بىرىنشىلىگىندە قولا مەدالدى ولجالاپ, الەمدىك دوپ دوداسىندا ونەر كورسەتتى.
حورۆاتياداعى تۋرنيردە كۋۆەيتتىڭ فۋتزالشىلارى سلوۆەنيا مەن گرەكيانى ۇتتى. ەكى كەزدەسۋدە دە 5:1 ەسەبى تىركەلدى. ودان كەيىن بوسنيا مەن گەرتسەگوۆينا قۇراماسىمەن تەڭ ءتۇستى – 3:3. تەك سوڭعى ويىندا عانا ولار ۆەنگرياعا ەسە جىبەردى – 1:2.
عالىم سۇلەيمەن,
«ەگەمەن قازاقستان»