بيىل جىل سوڭىنا دەيىن شيەلى اۋدانىنداعى تامپوناجدى تسەمەنت زاۋىتى ىسكە قوسىلادى.
قازاقستاندىق «DANAKE كورپوراتسياسى» مەن قىتايدىڭ «Gezhouba Group Cement Co. Ltd» تسەمەنت كومپانياسى بىرلەسىپ پايدالانۋعا بەرەتىن زاۋىتتىڭ بولاشاعى ۇلكەن.
«گەجۋبا شيەلى تسەمەنت» جشس زاۋىتى جوباسىنىڭ جالپى قۇنى 64 ملرد تەڭگە. باس مەردىگەرى «چاينا تريۋمف ينتەرنەشنل» – الەمدەگى ۇزدىك 50 حالىقارالىق كوشباسشى كومپانيا قاتارىنا جاتادى. زاۋىت تولىقتاي ىسكە قوسىلعاندا مۇندا 300-گە جۋىق جۇمىسشى ەڭبەك ەتەتىن بولادى.
زاۋىت جىلىنا 1 ملن توننا تامپوناجدى تسەمەنت وندىرەدى دەپ كۇتىلىپ وتىر. شىعاراتىن ءونىم اتوم ونەركاسىبى مەن گاز-مۇناي سالاسىندا سۇرانىسقا يە. شيكىزاتى اسا قىمباتقا تۇسپەگەندىكتەن, ءونىمنىڭ باعاسى دا قولجەتىمدى بولادى. قازىر دولوميت, ۋاق تاس جانە قۇم كارەرلەرى جۇمىسقا دايىن.
مەملەكەت زاۋىت قۇرىلىسىنا اۋماعى 46 گەكتار بولاتىن جەر تەلىمىن بولگەن. 4 گەكتار جەرگە قىزمەتكەرلەرگە ارنالعان جاتاقحانا جانە باسقا دا الەۋمەتتىك قۇرىلىستار بوي كوتەردى.
باقتيار تايجان,
«ەگەمەن قازاقستان»
قىزىلوردا وبلىسى