ماڭعىستاۋدا ماڭعىستاۋ وبلىسى قحا ۇيىمداستىرۋىمەن «جومارت جۇرەك» سىيلىعىنىڭ لاۋرەاتتارىن سالتاناتتى قۇتتىقتاۋ ءراسىمى ءوتتى.
ماڭعىستاۋ وبلىسىندا جەرگىلىكتى كاسىپكەرلەردىڭ ەڭبەگى مەن ءوز ءوڭىرىنىڭ وركەندەۋىنە ۇلەس قوسىپ جۇرگەن جۇمىستارىن باعالاپ 2-ءشى جىل قاتارىنان قورىتىندى جاساۋدا.
«اتامەكەن» باعدارلاماسى بويىنشا اعىمداعى جىلدىڭ باستاپقى 10 ايىندا جوسپارلانعان 85 ءىس-شارانىڭ 39 جوباسى مەتسەناتتاردىڭ كومەگىمەن ىسكە اسىرىلدى. وبلىس بويىنشا, 12 سپورت كەشەندەرى مەن الاڭدارى, 4 مەكتەپ جانىندا جىلىجايلار, 100 ورىندىق وتباسىلىق جاتاقحانا سالىندى, مۇمكىندىگى شەكتەۋلى ادامدار ءۇشىن 11 پاتەر بەرىلدى, 18 تۇرعىن ۇيلەر جوندەلدى جانە 4 بالالار ويىن الاڭى سالىندى.
سونىمەن قاتار, 2018 جىلى تاعى 40 جوبانى ىسكە اسىرۋ باستالدى, جالپى سوماسى 14 ملرد. 785 ملن. 060 مىڭ تەڭگە. جىلدىڭ سوڭىنا دەيىن 22 جوبا اياقتالادى دەپ كۇتىلۋدە.
«جىل مەتسەناتى» نوميناتسياسىمەن س. ەسەنگەلدين مەن ا. كەرەلباەۆ ماراپاتتالدى.«تۋعان ولكە» نوميناتسياسى م. لەسباەۆقا, د. تابىلديەۆكە جانە س. مۇڭالباەۆقا تابىستالدى. بەلسەندى ازاماتتىق ۇستانىمى, ءارتۇرلى باعىتتاعى كەڭ اۋقىمدى قايىرىمدىلىق قىزمەتتى جۇزەگە اسىرعانى ءۇشىن «جىل تۇلعاسى» نوميناتسياسىن د. شاكەنوۆا, ي.بيمىرزاەۆ جانە ا. ورىسباەۆ يەلەندى. الەۋمەتتىك ماڭىزى بار جوبالاردى, قايىرىمدىلىق جوبالاردى ىسكە اسىرۋدا باس دەمەۋشىلىك جاساعانى ءۇشىن «ۇزدىك ۇيىم» نوميناتسياسىمەن ب. قوجانەپەسوۆ, ا. جولدىباەۆ جانە ق.ءابدىراحمان ماراپاتتالدى. سونداي-اق, ۆولونتەرلىق قىزمەتتەرگە بەلسەندى قاتىسقانى ءۇشىن «ەرەن ەرىكتىلىگى» نوميناتسياسىمەن ا. وگاي, س.مۋرادوۆا جانە «ۇممەت جاستارى» قوعامدىق ۇيىمى ماراپاتتالدى.
جەڭىمپازدارعا ايماققا, ەلىمىزگە بەلگىلى ادامدار سىي تاپسىرىپ, شارا سوڭى كونتسەرتكە ۇلاستى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى