ەلباسى ن.نازارباەۆتىڭ جولداۋى ناقتى قوعامدىق باعىتقا يە, ول ازاماتتارىمىزدىڭ ءومىر ءسۇرۋ ساپاسىن قامتاماسىز ەتۋگە باعىتتالعانىن اتاپ ءوتۋ كەرەك. قازىرگى تاڭدا كوپتەگەن ەلدەردىڭ ەكونوميكاسى, تۇتاس حالىقارالىق نارىق قۇلدىراۋ كەزەڭىن باستان وتكەرىپ جاتقان كەزدە قازاقستان پرەزيدەنتى «مەملەكەت ودان ءارى دە تۇراقتى دامۋعا جانە حالىقتى كەڭ اۋقىمدا قولداۋعا باعىتتالعان جولدى ۇستاناتىن بولادى» دەپ قاداپ ايتتى.
ەكىنشىدەن, ءبىزدىڭ كومپانيامىز جۇزەگە اسىرعان «بيزنەستىڭ جول كارتاسى» جانە «نۇرلى جەر» باعدارلامالارىنا ەلباسىنىڭ وڭ باعا بەرگەنى بىرقاتار ماڭىزدى مەملەكەتتىك باعدارلامالاردىڭ وپەراتورى بولىپ تابىلاتىن «بايتەرەك» حولدينگى ءۇشىن وتە ماڭىزدى. مەملەكەت باسشىسىنىڭ تاپسىرماسى بويىنشا ەكى باعدارلاما دا 2025 جىلعا دەيىن ۇزارتىلدى – بۇل حالىق ءۇشىن وتە ۇلكەن كومەك. سونىمەن قاتار بۇل شاعىن جانە ورتا بيزنەستى, سونداي-اق تۇرعىن ءۇي سالاسىن دامىتۋعا زور ىنتالاندىرۋ بولىپ تابىلادى.
وسىلايشا, «بيزنەستىڭ جول كارتاسى» باعدارلاماسىن ىسكە اسىرۋ ءۇشىن جىل سايىن 30 ملرد. تەڭگە ءبولۋ جوسپارلانىپ وتىر. ول ءۇش جىلدا تاعى 20 مىڭنان استام جاڭا جۇمىس ورىنىن اشۋعا, 220 ملرد تەڭگەدەن استام سالىقتىڭ تۇسۋىنە جانە 3 ترلن تەڭگەگە ءونىم ساتۋعا مۇمكىندىك بەرەدى.
جولداۋدىڭ ء«ومىر سۇرۋگە جايلى ورتا قالىپتاستىرۋ» اتتى ءۇشىنشى مىندەتىن ىسكە اسىرۋعا كەلسەك, حولدينگ ەنشىلەس ۇيىمى «تۇرعىن ءۇي قۇرىلىس جيناق بانكىمەن» بىرلەسىپ, تۇرعىن ءۇي سەرتيفيكاتتارىن پايدالانۋ ارقىلى تۇرعىنداردىڭ الەۋمەتتىك تۇرعىدان وسال توپتارىن تۇرعىن ۇيمەن قامتاماسىز ەتۋ تەتىگىن ازىرلەدى. بۇل مەحانيزم مەملەكەتتىك ورگاندارمەن كەڭەستەن كەيىن كەيىن تۇزەتىلەتىن بولادى.
ۇشىنشىدەن, جولداۋدا قازاقستاندىق تاۋارلاردى حالىقارالىق نارىقتارعا شىعارۋعا ەرەكشە نازار اۋدارىلعان. اتاپ ايتقاندا, الداعى ءۇش جىلدا وڭدەۋشى ونەركاسىپتى جانە شيكىزاتتىق ەمەس ەكسپورتتى قولداۋعا قوسىمشا 500 ملرد تەڭگە ءبولۋ تۋرالى تاپسىرما بەرىلدى. بۇل وندىرۋشىلەرىمىزگە وتە ۇلكەن كومەك بولماق.
ءبىزدىڭ سالىمدارىمىزعا كەلەر بولساق, الداعى ءۇش جىلدا حولدينگ 300 ميلليارد تەڭگەگە ەكسپورتتاۋشىلارعا قولداۋ كورسەتۋدى جوسپارلاپ وتىر. ونىڭ ىشىندە 95 ميلليارد تەڭگە - قازاقستاننىڭ دامۋ بانكىنىڭ قاراجاتى, 125 ميلليارد تەڭگە - الدىن-الا بولىنگەن قارجىنى قايتارۋ ەسەبىنەن جانە 80 ميلليارد تەڭگە - قدب ساۋدالىق قارجىلاندىرۋىنا ارنالعان رەسپۋبليكالىق بيۋدجەتتىڭ قاراجاتىن تارتۋ ارقىلى بولىنەدى.
قازىر قازاقستاننىڭ دامۋ بانكىنىڭ تەتىكتەرى ارقىلى ءىرى بيزنەستى كەڭ اۋقىمدى قولداۋ جۇزەگە اسىرىلۋدا. سوڭعى ءۇش جىلدا قدب 280 ملرد تەڭگەدەن استام سوماعا وڭدەۋشى ونەركاسىپتە جانە وندىرىستىك ينفراقۇرىلىمدا 15 ءىرى ينۆەستيتسيالىق جوبانى قارجىلاندىردى. قولداۋ كورسەتىلگەن كاسىپورىنداردىڭ جالپى ەكسپورتتىق ءتۇسىمى 370 ملرد تەڭگەدەن استى. قدب 2019 جىلعا دەيىن 95,8 ملرد تەڭگە سوماسىنا پايپلاين جوباسىن قۇردى.
ەكسپورتتى ۇلعايتۋ ءۇشىن حولدينگ بوساعان قاراجاتتىڭ ءبىر بولىگىن ەكسپورتقا باعىتتالعان جوبالاردى قولداۋعا قايتا باعىتتاۋدى ۇسىنىپ وتىر. اتاپ ايتقاندا, بولىنگەن 100 ميلليارد تەڭگەدەن ءىرى كاسىپكەرلىك سۋبەكتىسىن قارجىلاندىرۋعا 25 ميلليارد تەڭگەنى جىبەرۋ, بولىنگەن 200 ميلليارد تەڭگەدەن ەكسپورتقا شاعىن جانە ورتا بيزنەستىڭ باعىتتالعان جوبالارىن قولداۋ ءۇشىن 100 ميلليارد تەڭگەنى باعىتتاۋ ۇسىنىلادى.
قورىتا كەلە, مەملەكەت باسشىسىنىڭ جولداۋىندا ايتىلعان باعىتتاردىڭ ارقايسىسىندا مەملەكەتتىڭ ورنىقتى دامۋىنا جانە قازاقستاندىقتاردىڭ ءومىر ساپاسىن جاقسارتۋعا ناقتى پايدا اكەلەتىن ەكونوميكالىق جانە الەۋمەتتىك ناتيجە بار ەكەنىن اتاپ وتكەن ءجون. حولدينگ مەملەكەتتىك ورگاندارمەن, وتاندىق جانە شەتەلدىك بيزنەس-سەرىكتەستەرمەن ۇيلەستىرىلگەن جۇمىسىنىڭ ارقاسىندا, سونداي-اق ەل ازاماتتارىنىڭ بەلسەندى قاتىسۋىمەن بارلىق تاپسىرمالاردى ءتيىمدى ورىندايتىن بولادى.
ايدار ءارىپحانوۆ,
«بايتەرەك» ۇبح» اق باسقارما توراعاسى