ۆەنەتسيانىڭ تاريحي ورتالىعىنىڭ شامامەن 75%-ى سۋ استىندا قالدى. دۇيسەنبى كۇنى قالاداعى سۋ دەڭگەيى 156 سم-گە جەتتى جانە بىرتىندەپ تومەندەي باستادى, دەپ حابارلايدى EURONEWS.
ۆەنەتسيالىقتار ءۇشىن سۋ دەڭگەيىنىڭ كوتەرىلگەنى قالىپتى جاعداي بولعانىنا قاراماستان, بۇل سۋ تاسقىنى سوڭعى بىرنەشە جىل ىشىندە ەڭ كۇشتىسى سانالادى.
قالالىق بيلىككە تۇرعىندار ءۇشىن كولىكتىڭ نەگىزگى ءتۇرى بولىپ تابىلاتىن سۋ اۆتوبۋستارى - ۆاپورەتتونىڭ قوزعالىسىن توقتاتۋعا تۋرا كەلدى.
قولايسىز اۋا رايى جەكسەنبى كۇنى يتاليانىڭ كوپتەگەن اۋداندارىنا جەتىپ, قاۋىپتىلىكتىڭ «قىزىل» (ەڭ جوعارى) دەڭگەيى ەلدىڭ سولتۇستىگىندەگى بىرنەشە وبلىستاردا جاريالاندى.
ريا-نىڭ حابارلاۋىنشا, نوسەر جاڭبىر, كۇشتى جەل دۇيسەنبى كۇنى ورتالىق جانە وڭتۇستىك يتاليانىڭ كوپتەگەن قالالارىندا تىركەلدى. ريمدە قاتتى جەلدىڭ اسەرىنەن ونداعان ءىرى اعاشتار تامىرىمەن ءۇزىلىپ, سىنعان, قۋانىشقا قاراي استانالىق تۇرعىنداردىڭ ەشقايسىسى زارداپ شەككەن جوق. فروزينون پروۆينتسياسىندا بيىك اعاش جەڭىل اۆتوكولىككە قۇلاپ, سالونداعى ەكى ەر ادام قازا تاپتى. تاعى ءبىر ادام – 21 جاسار جىگىت نەاپولدە اعاش قۇلاعاندا مەرت بولدى. كروتون پروۆينتسياسىندا كوشكىن سالدارىنان جوندەۋ جۇمىستارىمەن اينالىسىپ جۇرگەن ءتورت ادام كوز جۇمدى.