الماتىدا تۇرىك فيلمدەرىنىڭ اپتالىعى وتەدى

بيىلعى جىلى وتەتىن «4-ءشى تۇرىك فيلمدەرى اپتالىعى - الماتى» فەستيۆالى 2018 جىلى 30 قازاندا مۇرات شەكەردىڭ ء«بىزدىڭ مەرەكە» ("Görevimiz Tatil") فيلمىمەن اشىلادى. كوپتەگەن فيلمدەر مەن سەريالداردىڭ ويىنشىلارى جانە رەجيسسەرلەردىڭ قاتىسۋىمەن وتەتىن فيلم اپتاسىنا, تۇركيادان پرەزيدەنت باس كەڭەسشىسى جانە ۇلتتىق وي-پىكىر قاۋىمداستىعىنىڭ قۇرمەتتى توراعاسى يالچىن توپچۋ, اق پارتيا دەپۋتاتى جانە ۇلتتىق وي-پىكىر قاۋىمداستىعىنىڭ توراعاسى مەتين گيۋندوگدۋ, پرەزيدەنت اپپاراتىنىڭ مامانى فاتيح توپاكتاش, سونداي-اق «ەرتۋگرۋل. قايتا ءتىرىلۋ» سەرياسىنىڭ اكتەرلارى سەزگين ەردەمير, ديدەم بالچىن,ء «بىزدىڭ مەرەكە» ("Görevimiz Tatil") ءفيلمنىڭ رەجيسسەرى مۇرات شەكەر, بەشيكتاش مادەني ورتالىعىنىڭ (BKM) فيلم ۇيلەستىرۋشىسى فىرات سەزگين, كينەماتوگرافيستەردىڭ كاسىبي قاۋىمداستىعى (FİYAP) باس حاتشىسى احمەت ەدەبالي جانە تۇرىك فيلمدەرى اپتالىعىنىڭ باس ۇيلەستىرۋشىسى ونەر كىلىچ قاتىسادى.

ءبىر اپتاعا سوزىلاتىن ءىس-ءشارادا «بىزدىڭ مەرەكە» ("Görevimiz Tatil"), «اشتى, ءتاتتى, قىشقىل» (Acı Tatlı Ekşi), «تۇمار جانە ماحاببات قۇپياسى» (Muska ve Aşkın Sırrı), «سومۋندجۋ بابا» (Somuncu Baba) فيلمدەرى «ارمان كينوتەاترىندا» تەگىن كورسەتىلەتىن بولادى. سونداي-اق وسى اپتادا فيلم كورسەتىلىمدەرىنەن كەيىن ارتىستەر مەن كورەرمەندەر اراسىندا كەزدەسۋلەر وتكىزىلەدى. تۇركيادان كەلگەن رەجيسسەرلەر, اكتەرلەر جانە پروديۋسسەرلەر مەن قازاق كينو ارتىستەرى اراسىندا كەزدەسۋ ءوتىپ, ورتاق وندىرىستەر تۋرالى ەكىجاقتى كەلىسسوزدەر مەن تالقىلاۋلار وتەتىن بولادى. سونىمەن قاتار ت.ق. جۇرگەنوۆ اتىنداعى ۇلتتىق ونەر اكادەمياسىندا ارتىستەر-ستۋدەنتتەر كەزدەسۋلەرى مەن سۇحباتتارى وتەتىن بولادى.

«4-ءشى تۇرىك فيلمدەرى اپتالىعى - الماتى» ءىس-شاراسىنا Zugo Textile, Altınyıldız Classics, Atiker Auto Gas Systems, Alatau Construction Services, تەم-تۋر جانە الماتى قوناق ءۇيى قولداۋ كورسەتەدى.

ەلۆيرا سەرىكقىزى,

«ەگەمەن قازاقستان»

الماتى