اۆستريانىڭ ۆەنادا قالاسىندا وتكەن حالىقارالىق تۋرنيردە تابىستى ونەر كورسەتكەن قازاقستاندىق تەننيسشى ميحايل كۋكۋشكين الەمدىك رەيتينگتەگى جاعدايىن ءبىراز جاقسارتتى.
تۇساۋكەسەر كەزدەسۋدە الەمنىڭ 10 راكەتكاسى, بولگاريالىق گريگور ديميتروۆتى ۇتقان ول ەكىنشى كەزەڭدە اتر رەيتينگىندە 76 ورىندا تۇرعان رەسەيلىك اندرەي رۋبلەۆتان باسىم ءتۇستى. اسا شيەلەنىستى وتكەن شيرەك فينالدا جەرلەسىمىز ۇزدىكتەر تىزىمىندە 40 ساتىعا جايعاسقان ۆەنگريالىق مارتون ءفۋچوۆيچتى 4:6, 7:6, 7:6 جەڭدى. جارتىلاي فينالدا ميحايل كۋكۋشكين اتاقتى كەي نيسيكوريمەن شەبەرلىك بايقاستى. كەزىندە اقش-تىڭ اشىق بىرىنشىلىگىنىڭ فينالىنا دەيىن جەتىپ, «ۇلكەن دۋلىعا» ساناتىنداعى تۋرنيرلەرىندە ۇنەمى ۇزدىك سەگىزدىكتىڭ قاتارىنان كورىنىپ جۇرگەن جاپونيا تەننيسشىسىنە جەرلەسىمىزدىڭ ءالى جەتپەدى – 4:6, 3:6.
جۇلدە قورى 2 198 250 ەۆرونى قۇرايتىن ۆەناداعى بۇل تۋرنير كەشە ءوز مارەسىنە جەتتى. باس جۇلدە ءۇشىن تارتىس جاپونيالىق كەي نيسيكوري مەن وار-دىڭ وكىلى كەۆين اندەرسون اراسىندا ءوتتى.
عالىم سۇلەيمەن,
«ەگەمەن قازاقستان»