گرۋزيا پرەزيدەنتىن سايلاۋ جەكسەنبى كۇنى جەرگىلىكتى ۋاقىتپەن تاڭعى ساعات 08:00-دە باستالدى, دەپ حابارلايدى تاسس.
وندا العاشقىلاردىڭ ءبىرى بولىپ ەلدىڭ پرەمەر-ءمينيسترى مامۋكا باحتادزە داۋىس بەردى. ول تبيليسي قالاسىنىڭ دۋدۋبي اۋدانىنداعى سايلاۋ ۋچاسكەسىنە كەلدى.
«مەن قازىر عانا داۋىس بەردىم. ءوز داۋسىمدى ەلىمىزدىڭ دامۋى, گرۋزيا داستۇرلەرىنىڭ ساقتالۋى مەن وركەندەۋى, گرۋزيانىڭ ەۋروپالىق دامۋى ءۇشىن بەردىم», دەدى ول «سايلاۋدىڭ ەركىن, دەموكراتيالىق جاعدايدا وتەتىنىنە» سەنىم ءبىلدىرىپ.
رەسپۋبليكا اۋماعىندا 3637 سايلاۋ ۋچاسكەسى جۇمىس ىستەپ جاتىر, وندا 18 جاسقا جەتكەن 3,5 ملن استام ازامات داۋىس بەرە الادى. داۋىس بەرۋ سونداي-اق 39 مەملەكەتتىڭ 55 ۋچاسكەسىندە وتەدى.