قازاقستان پرەزيدەنتىنىڭ كومەكشىسى – قاۋىپسىزدىك كەڭەسىنىڭ حاتشىسى عابيت بايجانوۆتىڭ جانە وزبەكستان پرەزيدەنتى جانىنداعى قاۋىپسىزدىك كەڭەسىنىڭ حاتشىسى ۆيكتور ماحمۋدوۆتىڭ تەڭ توراعالىعىمەن وتكەن كەلىسسوزدەر بارىسىندا قاۋىپسىزدىكتى قامتاماسىز ەتۋ سالاسىنداعى وزەكتى ماسەلەلەر قارالدى, دەپ حابارلايدى اقوردانىڭ ءباسپاسوز قىزمەتى.
سونداي-اق, باسقوسۋعا ورتالىق مەملەكەتتىك ورگانداردىڭ باسشىلارى دا قاتىستى.
ورتالىق ازياداعى وڭىرلىك ىنتىماقتاستىقتىڭ جانە حالىقارالىق ۇيىمدارداعى ءوزارا ءىس-قيمىلدىڭ قازىرگى احۋالى مەن دامۋ پەرسپەكتيۆالارى تالقىلاندى.
سونىمەن قاتار, تەرروريزم مەن ءدىني ەكسترەميزمگە قارسى تۇرۋ, اقپاراتتىق جانە كيبەر قاۋىپسىزدىكتى قامتاماسىز ەتۋ سالالارىنداعى, سونداي-اق سوتتالعان ازاماتتاردى جازاسىن ءوز مەملەكەتتەرىندە وتەۋ ءۇشىن بەرۋ ماسەلەسى جونىندەگى ءوزارا ىقپالداستىق اسپەكتىلەرى كۇن تارتىبىنە قويىلدى.
كەزدەسۋ بارىسىندا تاراپتار سۋ قاتىناستارى سالاسىنا قاتىستى ىنتىماقتاستىق ماسەلەلەرى جونىندەگى جول كارتاسى تارماقتارىنىڭ ورىندالۋىنىڭ الدىن الا ناتيجەلەرىن قارادى.
جۇمىس قورىتىندىسى بويىنشا ەكى ەلدىڭ ءتيىستى مەملەكەتتىك ورگاندارىنا ناقتى تاپسىرمالار بەرىلدى.
قاۋىپسىزدىك كەڭەستەرىنىڭ اپپاراتتارى اراسىنداعى كونسۋلتاتسيالار قازاقستان مەن وزبەكستان باسشىلارىنىڭ تاپسىرمالارىنا سايكەس تۇراقتى وتكىزىلەدى.