بۇگىن تاراز قالاسىندا «قالا كۇنى» مەرەكەسىنە وراي جامبىل وبلىسى اكىمدىگىنىڭ الدىندا جامبىل جاباەۆ ەسكەرتكىشىنىڭ اشىلۋ سالتاناتى ءوتتى. ەلباسىنىڭ «رۋحاني جاڭعىرۋ» باعدارلاماسى اياسىندا ۇيىمداستىرىلعان شاراعا وبلىس اكىمى اسقار مىرزاحمەتوۆ باستاعان وبلىس جانە قالا باسشىلىعى, سونىمەن قاتار قوعامدىق كەڭەس مۇشەلەرى مەن قالا تۇرعىندارى قاتىستى.
داڭقتى جىراۋ ەسكەرتكىشىنىڭ اشىلۋ سالتاناتىندا جامبىل وبلىستىق قوعامدىق كەڭەسىنىڭ توراعاسى جاندار كارىباي ۇلى مەن قازاقستان رەسپۋبليكاسىنىڭ مادەنيەت قايراتكەرى الىبەك امزە ۇلى ءسوز سويلەپ, كۇن سايىن تۇرلەنىپ كەلە جاتقان اۋليەاتا ءوڭىرىنىڭ جەتىستىكتەرىنە توقتالدى. جامبىل مۇراسىنىڭ قازاق حالقىمەن ماڭگى بىرگە جاساي بەرەتىنىن اتاپ ءوتتى.
سونىمەن قاتار, جامبىل جاباەۆ ەسكەرتكىشىنىڭ اشىلۋ سالتاناتىنا قالا تۇرعىندارى مەن قوناقتارى دا كوپتەپ جينالىپ, قالا كۇنى اياسىندا وتكەن شارانى تاماشالادى. بۇدان بىلاي اباي داڭعىلىنىڭ بويىندا ۇلى اقىن جامبىلدىڭ رۋحى اسقاقتاپ, بولمىسى بيىكتەپ تۇرا بەرمەك. ال اتالعان ەسكەرتكىشتىڭ بيىكتىگى 4 مەتر بولسا, سالماعى 1,5 توننا.
حاميت ەسامان,
«ەگەمەن قازاقستان»
جامبىل وبلىسى