بۇگىن الماتى وبلىسىنا جۇمىس ساپارى بارىسىندا قر پرەمەر-ءمينيسترى باقىتجان ساعىنتاەۆ «قورعاس» شەكارا ماڭى ىنتىماقتاستىعى حالىقارالىق ورتالىعىنىنىڭ اۋماعىنا بارىپ, وندا قازاقستان–قىتاي شەكاراسىنداعى پانفيلوۆ اۋدانىندا ورنالاسقان نۇركەنت جاڭا قالاسىن دامىتۋدىڭ باس جوسپارىمەن تانىستى.
«قورعاس» شەكارا ماڭى ىنتىماقتاستىعى حالىقارالىق ورتالىعىنىڭ جانە «قورعاس – شىعىس قاقپاسى» ەركىن ەكونوميكالىق ايماعىن قۇرۋ جوبالارى مەملەكەتارالىق ماڭىزداعى نىساندار جانە ولار ەلەۋلى ەڭبەك رەسۋرستارىن تارتۋدى قاجەت ەتەدى, ال بۇل — 36 مىڭنان 68 مىڭعا دەيىن جاڭا جۇمىس ورىندارى. ازاماتتاردىڭ قولايلى ءومىر ءسۇرۋىن قامتاماسىز ەتۋ ماقساتىندا 2013 جىلدان باستاپ نۇركەنت جاڭا قالاسىنىڭ قۇرىلىسى جۇرگىزىلىپ جاتىر.
قالانىڭ جالپى اۋدانى — 1460 گا. پرەمەر-مينيستر ب. ساعىنتاەۆقا 2035 جىلعا قاراي قالا حالقىنىڭ سانى شامامەن 99 مىڭ ادامدى قۇرايتىنى ايتىلدى. سونىمەن قاتار, 2022 جىلعا قاراي 1 ملن م² استام تۇرعىن ءۇي ء(ى كەزەك) پايدالانۋعا بەرىلەدى — بۇل شامامەن 5 اۋدان نەمەسە 50 مىڭ ادام. نۇركەنتتە ءبىرىنشى كەزەك اياسىندا 24 الەۋمەتتىك نىسان, ونىڭ ىشىندە 8 مەكتەپ, 12 بالاباقشا, ءبىر ەمحانا جانە 3 مەديتسينالىق ورتالىق سالۋ كوزدەلگەن.
الماتى وبلىسى اكىمدىگىنىڭ قۇرىلىس باسقارماسىنىڭ باسشىسى ب. تاكەنوۆ ەكى 86 پاتەرلىك ءۇي بويىنشا جوبالىق-سمەتالىق قۇجاتتاما 2019 جىلعى ناۋرىزعا قاراي ءازىر بولاتىنىن اتاپ ءوتتى. ءۇشىنشى ءۇيدىڭ جوسپارى جەكە ينۆەستور قاراجاتى ەسەبىنەن جۇرگىزىلىپ جاتىر. ءىى كەزەك اياسىندا 4 مىڭعا جۋىق ادام باسپانالى بولادى. تۇرعىن ءۇي قورىنىڭ جالپى اۋدانى — 70 مىڭ م².
بۇدان وزگە, «نۇرلى جەر» باعدارلاماسىن ىسكە اسىرۋ اياسىندا پانفيلوۆ اۋدانىنىڭ اكىمدىگى اۋدانى 16 815 م² بولاتىن ءتورت 60 پاتەرلى ارەندالىق ءۇيدى جوبالاۋ جۇمىستارىن جۇرگىزىپ جاتىر.
ەسكە سالا كەتەيىك, پەنجينا اۋىلدىق وكرۋگىنىڭ اۋماعىندا ورنالاسقان نۇركەنت اۋىلى جاڭا قالانى سالۋدىڭ باستاۋى بولدى. قازىرگى تاڭدا مۇندا ءۇش مىڭنان استام ادام ءومىر سۇرۋدە. «نۇرلى جەر» باعدارلاماسى اياسىندا وتكەن جىلى 120 وتباسى باسپانالى بولدى. سونىمەن قاتار, الەۋمەتتىك ينفراقۇرىلىم نىساندارى: مەكتەپ, اۋرۋحانا, بالاباقشا بار.
الماتى وبلىسىندا وتكەن جىلى 5079 تۇرعىن ءۇي (646,1 مىڭ م²) سالىندى, سونىڭ ىشىندە 3247-ءسى — جەكە تۇرعىن ۇيلەر. بيىل 706,6 مىڭ م², سونىڭ ىشىندە «نۇرلى جەر» باعدارلاماسى اياسىندا 592 پاتەردى پايدالانۋعا بەرۋ جوسپاردا بار.
جالپى, ينۆەستيتسيالار جانە دامۋ مينيسترلىگىنىڭ اقپاراتىنا سايكەس, ەلىمىزدە الداعى بەس جىلدا «نۇرلى جەر» مەملەكەتتىك باعدارلاماسى بويىنشا 650 مىڭنان استام تۇرعىن ءۇي (76,6 ملن م²) سالۋ كوزدەلگەن, بۇل 2 ملن-عا جۋىق ازاماتتى باسپانامەن قامتاماسىز ەتەدى. ازاماتتاردى تۇرعىن ۇيمەن قامتاماسىز ەتۋدىڭ ماڭىزدى قۇرالى — مەملەكەت باسشىسىنىڭ «7–20–25» باستاماسى, ونىڭ اياسىندا بەس جىل ىشىندە 103 مىڭعا جۋىق ازامات باسپانالى بولا الادى. اتالعان باعدارلاما بويىنشا (11.10.2018 جىلعى جاعداي بويىنشا) 28 ملرد تەڭگەگە 2352 ءوتىنىم ماقۇلداندى, سونىڭ ىشىندە الماتى وبلىسىنىڭ حالقىنان — 55 يپوتەكالىق قارىز.