الماتى اكىمى باۋىرجان بايبەك اقش-تىڭ باس كونسۋلى ەريك مايەرمەن كەزدەستى.
كەزدەسۋ بارىسىندا تاراپتار ساۋدا-ەكونوميكالىق, ينۆەستيتسيالىق, مادەني-گۋمانيتارلىق ىنتىماقتاستىق ماسەلەلەرىن تالقىلادى. اقش-تىڭ باس كونسۋلى قازاقستاننىڭ ىسكەرلىك, مادەني, ءبىلىم جانە عىلىم ورتالىعىنا اينالعان الماتى قالاسىنىڭ ەكى جاقتى بايلانىس ءۇشىن ماڭىزدى ەكەنىن اتاپ ءوتتى.
«الماتى - امەريكا كونسۋلدىعى جانە قازاقستاندا بيزنەس اشۋعا ىنتالى اقش كومپانيالارى جۇگىنەتىن امەريكا ساۋدا پالاتاسى ورنالاسقان ورتا ازياداعى جالعىز قالا. مەن مۇندا 2004 جانە 2008 جىلدارى بولعان ەدىم. قالا سونداي تارتىمدى, قايتا اينالىپ كەلە بەرگىڭ كەلەدى. وسى جەردە جۇمىس ىستەۋگە مۇمكىندىك تۋعانىنا قۋانىشتىمىن. مەن الماتىدا ۇلكەن وڭ وزگەرىستەردىڭ بولعانىن كوردىم, جاياۋ جۇرگىنشىلەر ءۇشىن جاقسى ينفراقۇرىلىم جاسالعانى بايقالادى, قوعامدىق كەڭىستىك بارىنشا اشىلا تۇسكەن», دەدى ەريك مايەر.
الماتىدا قازىر تەلەكوممۋنيكاتسيا, قارجى, ساۋدا جانە باسقا سالالاردا امەريكاندىق كاپيتالمەن 168 كومپانيا جۇمىس ىستەيدى. الماتى مەن اقش اراسىنداعى تاۋار اينالىمى وتكەن جىلى 400 ميلليون اقش دوللارىنان استى.