حالىقارالىق فۋتبول قاۋىمداستىقتارى فەدەراتسياسى (فيفا) قازان ايىنداعى ۇلتتىق قۇرامالاردىڭ رەيتينگىن جاڭارتتى. جاريالاعان رەيتينگىنە سايكەس قازاقستان ۇلتتىق قۇراماسى وتكەن ايمەن سالىستىرعاندا ءبىر ساتىعا كوتەرىلدى.
قازان ايىنىڭ قورىتىندىسى بويىنشا قازاقستان قۇراماسى 117 ورىنعا جايعاستى. ۇلتتىق قۇراما قازان ايىندا ۋەفا ۇلتتار ليگاسى اياسىندا ەكى ماتچ وتكىزدى. سىرت الاڭدا لاتۆيا قۇراماسىمەن 1:1 ەسەبىمەن تەڭ تۇسسە, ەلوردادا وتكەن كەزدەسۋدە اندوررا فۋتبولشىلارىن 4:0 ەسەبىمەن جەڭگەن-ءدى.
ستانيمير ستويلوۆ كومانداسى كەلەسى ويىنىن 15 قاراشا كۇنى «استانا ارەنا» ستاديونىندا لاتۆيامەن وتكىزەدى. كەزدەسۋ استانا ۋاقىتىمەن 21:00-دە باستالادى. 19 قاراشا كۇنى ءبىزدىڭ فۋتبولشىلار سىرت الاڭدا گرۋزيامەن وينايدى.
دايىنداعان ءالي بيتورە,
«ەگەمەن قازاقستان»