ماقسات ءنۇسىپوۆ ۇلتتىق ۇلان پەتروپاۆل اسكەري ينستيتۋتىندا اعا جاتتىقتىرۋشى بولىپ ەڭبەك ەتەدى. كۋرسانتتاردى قازاق كۇرەسىنەن جانە قويان-قولتىق ۇرىس تۇرىنەن جاتتىقتىرادى.
37 جاستاعى سپورتشى ماروككودا سامبودان وتكەن الەم بىرىنشىلىگىنە قاتىسىپ التىن مەدال تاعىپ قايتتى. 35 جاستان اسقان سامبو شەبەرلەرى اراسىندا – وتكەن بايراقتى باسەكەدە جەرلەسىمىز 62 كيلو سالماق بويىنشا كۇرەسىپ, بارلىق بەلدەسۋىن جەڭىسپەن اياقتادى.
«چەمپيوناتتى سامبودان حالىقارالىق اۋەسقويلار فەدەراتسياسى ۇيىمداستىرىپ, 7 سالماق دارەجەسى بويىنشا 22 ەلدەن كەلگەن 450 سامبوشى كۇش سىناستى. العاشقى بەلدەسۋدە فرانتسۋزدىق سەرۋتتي فابيەنمەن كەزدەسىپ, جىقتىم. ال, اقتىق سىندا رەسەيدىڭ الەم بىرىنشىلىگىنىڭ ەكى دۇركىن جۇلدەگەرى اندرەي مورگالەۆپەن بەلدەسىپ, ۇتتىم», دەيدى ماقسات.
ول – قازاق كۇرەسىنەن ەۋروپا جەڭىمپازى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى