جولاقىنى كارتا ارقىلى تولەۋدىڭ ءتيىمدى تۇستارى كوپ ەكەنىن ەل ءتۇسىنىپ كەلەدى. ەندى بۇل مۇمكىندىكتى اتىراۋلىقتار دا قولدانا الادى. مۇنايلى وڭىردە ەلەكتروندى بيلەت جۇيەسى بويىنشا سمارت كارتا تولەمى جۇزەگە اسا باستادى.
جاڭا جۇيە جولاۋشىلاردان تۇسكەن قارجىنىڭ ناقتى كولەمى مەن ونىڭ قايدا جۇمسالاتىنىن انىقتاۋعا سەپتىگىن تيگىزەدى. بۇعان دەيىن الماتى, استانا سەكىلدى ەلىمىزدىڭ ءىرى قالالارىندا قولعا الىنعان جوبا قوعامدىق كولىك سالاسىنداعى ماسەلەلەردىڭ كۇرمەۋىن شەشۋگە ىقپال ەتكەن-ءدى. اتىراۋدا سمارت كارتا ساۋدا ورتالىقتارىندا, تەمىر جول ۆوكزالىندا, شاعىن اۋدانداردىڭ سوڭعى ايالدامالارىندا ساتىلىپ جاتىر, اۆتوبۋس كوندۋكتورلارىنان دا الۋعا جانە شوتتى تولتىرۋعا بولادى.
ءبىر كارتانىڭ قۇنى – 300 تەڭگە. ونىڭ شوتىن تاسىمالداۋشىلار ارقىلى, ساتۋ نۇكتەلەرىندە, Qiwi-تەرمينالداردا جانە «SmartQala» ءموبيلدى قوسىمشاسى ارقىلى تولىقتىرۋعا بولادى. كولىكتەگى سمارت كارتا, بانك كارتاسى, NFC قولدانباسى بار سمارتفون, QR كودى, QR كارتاسى, SMS حابارلامالار, Bluetooth, مەسسەندجەر جانە جولسەرىككە قولما-قول تولەم تولەۋ سىندى توعىز ءتۇرلى تولەم بار. «Ѕمart –تكش» جشس وكىلى ەرلان نۇرلان ۇلى: «SmartQala» موبيلدىك قوسىمشاسى ارقىلى تولەمنىڭ بارلىق تۇرلەرىن جاساۋعا جانە كارتا تەڭگەرىمىن باقىلاۋعا بولادى. ەندى بۇل قوسىمشانى بارلىق كوممۋنالدىق تولەمدەردى, جول اقىلارىن جانە سالىقتاردى تولەۋگە پايدالانۋدى جوسپارلاپ وتىرمىز. جىل اياعىنا دەيىن قوسىمشادا اۆتوبۋستاردىڭ كەلۋ ۋاقىتىن, باقىلاۋ قىزمەتىن ىسكە قوسامىز. جولاۋشى ايالدامادا تۇرىپ, جاقىن ماڭداعى قوعامدىق كولىكتىڭ كەلۋ ۋاقىتىن كورە الادى», دەيدى.
قازىر قالاداعى 54 اۆتوبۋس ءموبيلدى تەرمينالمەن جابدىقتالعان. بارلىق 200 اۆتوبۋستى جابدىقتاپ, QR-كودتار بەرۋ جۇمىسى جاقىندا اياقتالادى.
– اتىراۋ قالاسىنىڭ قوعامدىق كولىكتەرىندە ەلەكتروندى بيلەت جۇيەسىن ەنگىزۋ وڭ ناتيجە بەرەدى, بۇل قوزعالىستىڭ اشىقتىعىن قامتاماسىز ەتەدى, ازاماتتاردىڭ الەۋمەتتىك ساناتتارى بويىنشا ستاتيستيكانى جۇرگىزۋگە, بيۋدجەتكە سالىق تۇسىمدەرىن ارتتىرۋعا, قوعامدىق كولىكتەردى باقىلاۋعا جول اشادى, – دەيدى ەرلان نۇرلان ۇلى.
باقىتگۇل باباش,
«ەگەمەن قازاقستان»
اتىراۋ