باتىس قازاقستان وبلىسىنا جۇمىس بابىمەن كەلگەن پارلامەنت سەناتىنىڭ دەپۋتاتتارى بىرعانىم ءايتىموۆا, ەربولات مۇقاەۆ جانە ناريمان تورەعاليەۆ تەرەكتى اۋدانىنىڭ تىنىس-تىرشىلىگىمەن تانىستى.
دەپۋتاتتار «جايىق-شالقار» ارناسىنداعى قالقىمالى سۋ ستانتسياسىنىڭ جۇمىسىمەن تانىستى. مال جايىلىمىن سۋلاندىرۋعا ارنالعان ورال-شالقار ارناسىنا سۋ تولتىرۋ ماقساتىندا «RealStrوyInvest» مەكەمەسى 2017 جىلى باستالعان قۇرىلىس اياقتالعان بولاتىن. بۇل قۇرىلىس تەك مال شارۋاشىلىعىنا ەمەس, كوكونىس, باۋ-باقشا سالۋعا دا وڭ ىقپال ەتەرى ءسوزسىز. وسى ارنا كومەگىمەن 300 مىڭ گەكتار جەر سۋلاندىرىلاتىن بولادى.
دەپۋتاتتار اقجايىق اۋىلىنداعى بىرقاتار الەۋمەتتىك نىسانداردى ارالادى. 2012 جىلى پايدالانۋعا بەرىلگەن 120 ورىندىق اقجايىق اۋىلىنداعى «ايگولەك» بالاباقشاسىندا بوبەكجاي ۇجىمىمەن كەزدەسىپ, مەكتەپكە دەيىنگى بالالار مەكەمەسىنىڭ جاعدايىمەن تانىستى.
تەرەكتى اۋداندىق اۋرۋحانا ديرەكتورى ب.قۇباەۆ ءوزى باسقارىپ وتىرعان مەكەمەنىڭ بۇگىنگى جاي-كۇيىن باياندادى. كۇنىنە 50-60 ەمدەلۋشىنى قابىلدايتىن اۋرۋحانادا دارىگەرلەر جەتىسپەيتىنى ايتىلدى, مۇندا بۇگىنگى تاڭدا 4 مامان كەرەك بولىپ وتىر.
دەپۋتاتتار 1926 جىلى اشىلعان اقجايىق مەكتەبىندە دە بولدى. قازىر 517 وقۋشىعا 70 مۇعالىم ءبىلىم بەرىپ وتىرعان مەكتەپتە مۋزەي جۇمىس ىستەيدى. سەنات دەپۋتاتى ب.ءايتىموۆا مۇعالىمدەردىڭ اعىلشىن تىلىندەگى ءبىلىم دەڭگەيىنە كۋا بوپ, وقۋشىلاردىڭ ارمان-ماقساتتارى تۋرالى پىكىر الماستى.
اۋىلدىق مادەنيەت ۇيىندە وتكەن كەزدەسۋگە شالقار, اڭقاتى, اقسوعىم, شاعاتاي, اقجايىق اۋىلدىق وكرۋگىنىڭ تۇرعىندارى, ارداگەرلەر, ءبىلىم بەرۋ, مەديتسينا سالاسىنىڭ قىزمەتكەرلەرى جانە جاستار قاتىستى. ەلباسى ن.نازارباەۆتىڭ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى جولداۋى جيىنداعى باستى تاقىرىپ بولدى.
پارلامەنت سەناتىنىڭ دەپۋتاتى بىرعانىم ءايتىموۆا اۋدانداعى جۇمىستارعا وڭ باعا بەرەتىنىن جەتكىزىپ, ەلباسىنىڭ جولداۋىن جان-جاقتى ءتۇسىندىرىپ بەردى.
- جولداۋدىڭ باستى ماقساتى – قازاقستاندىقتاردىڭ ءال-اۋقاتىن اتتىرۋ بوپ تابىلادى. ەلباسىنىڭ جولداۋىن حالىققا جەتكىزۋ ماقساتىندا سەناتتىڭ بارلىق كوميتەتى ەلىمىزدىڭ تۇكپىر-تۇكپىرىندە وسىنداي كەزدەسۋلەر وتكىزۋدى جوسپارلاعان بولاتىن. قاراپايىم حالىقپەن بەتپە-بەت جۇزدەسىپ, سۇراقتارىنا جاۋاپ بەرىپ, پىكىرلەرىن تىڭداۋدى قۇپ كورەمىز, دەدى ب.ءايتىموۆا.
جيىن بارىسىندا سەنات دەپۋتاتتارى ناريمان تورەعاليەۆ جانە ەربولات مۇقاەۆ جولداۋدا كورسەتىلگەن 10 باسىم مىندەتتىڭ ارقايسىسىنا جەكە-جەكە توقتالدى.