حالىق اراسىندا سىدىرما ماشينا دەپ تانىلعان Road Zipper الىپ ماشيناسى كولىك كەپتەلىسىن بىرنەشە مينۋتتا سەيىلتە الادى. كونسترۋكتسياسى 1984-85 جىلدارى باستالعان ماشينا بۇگىندە الەمدەگى بىرقاتار مەملەكەتتىڭ جول قوزعالىسى ماسەلەسىن شەشىپ ءجۇر. العاش رەت 1990 جىلى حالىققا جول تارتىپ, وكلەندتەگى كوپىرلەردىڭ بىرىندە پايدالانىلا باستاعان.
قۇرىلىس جۇمىستارىنا دا ءتيىمدى ماشينا 450 كەلىلىك باريكادتارى ارقىلى كولىك اعىنى كۇشەيگەن باعىتتى كەڭەيتىپ, جول قوزعالىسىن جۇيەلەي الادى. ۇلكەن قالالاردىڭ دەرتىنە اينالعان ماسەلەنى شەشۋشى قۇرىلعى قۇنى – 30 ميلليون اقش دوللارى.
اتالمىش جۇيەنى كيەۆتىڭ پاتون كوپىرىنە دە ەنگىزۋ جوسپارى بار. كيەۆ اكىمشىلىگى توراعاسىنىڭ ورىنباسارى يليا ساگايداكتىڭ ايتۋىنشا, Road Zipper جۇيەسىن قولدانۋ مەملەكەتتىڭ ترانسپورت شىعىنىن 12,5 ميلليونان 26,2 ميلليون اقش دوللارىنا دەيىن ۇنەمدەيدى ەكەن. تەك ەكونوميكالىق ەمەس ەكولوگيالىق پايدالى ماشينا اۋاعا كومىرقىشقىل گازىنىڭ ءبولىنۋىن 4993 كيلوعا دەيىن ازايتادى. ول شامامەن 555 ماشينانىڭ ءبىر كۇندىك كومىرقىشقىل گازىن ءبولۋ كورسەتكىشىنە تەڭ. سونىمەن بىرگە, Road Zipper كولىك سوقتىعىسىن ازايتىپ, جول اپاتىن الدىن الادى.
Road Zipper سان-فرانتسيسكونىڭ «التىن قاقپا», سان-ديەگونىڭ «كورونادو», ۆاشينگتونداعى «تەودور رۋزۆەلت», جاڭا زەلاندياداعى «حاربور-بريدج», سيدنەيدىڭ «حاربور-بريدج», نيۋ-يورك قالاسىنداعى «Gowanus Express» كوپىرلەرىندەگى قوزعالىستى رەتتەپ ءجۇر.