وبلىس اكىمى قىرىمبەك كوشەرباەۆتىڭ توراعالىق ەتۋىمەن قورقىت اتا اتىنداعى قىزىلوردا مەملەكەتتىك ۋنيۆەرسيتەتى بايقاۋ كەڭەسىنىڭ كەزەكتى ءماجىلىسى ءوتتى.
جيىندا 2018-2019 وقۋ جىلىنا وقۋعا ستۋدەنتتەر قابىلداۋ قورىتىندىسى تۋرالى ۋنيۆەرسيتەت رەكتورى قىلىشباي بيسەنوۆ مالىمدەدى. 18-26 شىلدە ارالىعىندا ۇلتتىق بىرىڭعاي جانە كەشەندى تەستىلەۋ كەزىندە 50-دەن جوعارى بالل جيناعان تالاپكەرلەر مەملەكەتتىك ءبىلىم بەرۋ گرانتىن ايقىندايتىن كونكۋرسقا قاتىسۋعا ىنتا ءبىلدىردى. اتالعان ءبىلىم ورداسىنىڭ قابىلداۋ كوميسسياسىنا قۇجات تاپسىرعان 3651 تالاپكەردىڭ 2485-ءى مەملەكەتتىك ءبىلىم بەرۋ تاپسىرىسىن يەلەندى. سونىڭ 247-ءسى نەمەسە 17%-ى عانا ۋنيۆەرسيتەت ماماندىقتارى بويىنشا وقۋعا قابىلدانعان.
– بۇل تالاپكەرلەردىڭ ءبىزدى تاڭدامايتىنىنان ەمەس, مەملەكەتتىك تاپسىرىستى ورنالاستىرۋ ەرەجەسىنە بايلانىستى. سەبەبى جىل سايىن ءبىلىم گرانتتارى پەداگوگيكالىق باعىت بويىنشا جانە ماقساتتى تۇردە بەيىندى جوعارى وقۋ ورىندارىنا ءبولىنىپ, ول وقۋ ورىندارىنا تالاپكەرلەر تومەن بالمەن ءبىلىم گرانتى بويىنشا ءتۇستى, – دەدى رەكتور.
جيىندا بايقاۋ كەڭەسى ءبىلىم جانە عىلىم مينيسترلىگىنە «ارال وڭىرىندەگى ەكولوگيالىق قاسىرەت سالدارىنان زارداپ شەككەن ازاماتتاردى الەۋمەتتىك قورعاۋ» تۋرالى زاڭعا سايكەس ۋنيۆەرسيتەتكە 2019-2020 وقۋ جىلىندا ماقساتتى تۇردە 500 مەملەكەتتىك ءبىلىم گرانتىن ءبولۋدى سۇراپ, حات جولداۋعا ۋاعدالاستى.
ودان كەيىن الداعى ۋنيۆەرسيتەتتىڭ ءۇش جىلعا ارنالعان دامۋ باعدارلاماسى تانىستىرىلىپ, وقۋ ورنىنىڭ «شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورىن» مارتەبەسىن «كوممەرتسيالىق ەمەس اكتسيونەرلىك قوعام» مارتەبەسىنە كوشىرۋ جونىندەگى ۇسىنىس تالقىلاندى.
وبلىس اكىمى ادامي كاپيتالدىڭ ماڭىزى ارتىپ, ءبىلىم تورگە وزعان زاماندا ساننان گورى ساپاعا باسا ءمان بەرىلەتىنىن, مەملەكەتتىك ءبىلىم گرانتتارى ەڭبەك نارىعىنداعى جاعداي ەسكەرىلە وتىرىپ ءبولىنۋى ءتيىس ەكەنىن ايتتى.
– ۋنيۆەرسيتەت ۇجىمىنىڭ نازارىن بىرنەشە ماسەلەگە اۋدارعىم كەلەدى. بىرىنشىدەن, وقىتۋشىلىق قۇرامنىڭ عىلىمي الەۋەتىن ارتتىرۋعا ەرەكشە كوڭىل ءبولىنۋى كەرەك. ەكىنشىسى – ۇشتىلدىلىك. ستۋدەنتتەر ورىس جانە اعىلشىن تىلدەرىن يگەرمەستەن وقۋ ورنىن ءبىتىرىپ شىعادى. بۇل ولاردىڭ تانىم كوكجيەگىن تارىلتىپ, سۇرانىسقا ساي كەلمەيتىن ماماندار قاتارىن كوبەيتەدى. ۇشىنشىدەن, جاستاردى جاڭا ماماندىقتارعا باۋلۋ وتە ماڭىزدى. وبلىستا, مىسالى, تۋريزم سالاسىنىڭ مامانىن تاپپايسىڭ. سونىمەن قاتار, ۋنيۆەرسيتەت كورپۋستارىن ءWى-ءFى ينتەرنەت جەلىسىمەن قامتۋ قاجەت. قازىرگى كۇنى ستۋدەنتتەر تۇگىلى, وقىتۋشىلار وسى مۇمكىندىكتى پايدالانا الماي وتىر, – دەدى وبلىس اكىمى.
باقتيار تايجان,
«ەگەمەن قازاقستان»
قىزىلوردا