بۇگىن ماسكەۋدە الەمنىڭ بىرقاتار بەلدى تەننيسشىلەرىنىڭ باسىن قوسقان «كرەمل كۋبوگى» ءۇشىن جارىس باستالادى. بۇل ءتۋرنيردىڭ جۇلدە قورى 932 866 اقش دوللارىن قۇراپ وتىر.
رەسەي استاناسىندا قازاقستاننىڭ ءۇش ويىنشىسى ونەر كورسەتەدى. ايەلدەر اراسىندا ەلىمىزدىڭ ءبىرىنشى راكەتكاسى يۋليا پۋتينتسەۆا بۇگىن يرينا بەگۋمەن شەبەرلىك بايقاسادى. 28 جاستاعى رۋمىنيا تەننيسشىسى الەمدىك رەيتينگتە 52 ورىندى يەلەنۋدە. WTA تىزىمىندە جەرلەسىمىز ودان بەس ساتى جوعارى تۇر.
ەرلەر سايىسىندا ميحايل كۋكۋشكين ەۆگەني دونسكويمەن كۇش سىناسادى. 28 جاستاعى رەسەي سپورتشىسى اتر رەيتينگىندە 105 ورىندى ەنشىلەسە, وتانداسىمىز 72 ساتىعا جايعاستى. قازاقستاننىڭ تاعى ءبىر تانىمال تەننيسشىسى الەكساندر بۋبليك فرانتسيالىق پەر-يۋگ ەربەرمەن كەزدەسەدى. بۇل باسەكەلەر ەرتەڭ وتەدى.
عالىم سۇلەيمەن,
«ەگەمەن قازاقستان»