15-16 قازان كۇندەرى ەرەۆان قالاسىندا تاۋەلسىز مەملەكەتتەر دوستاستىعى عالىمدارىنىڭ ءىى فورۋمى وتەدى, دەپ حابارلايدى تمد اتقارۋ كوميتەتىنىڭ ءباسپاسوز قىزمەتى.
فورۋم تمد-عا قاتىسۋشى مەملەكەتتەردىڭ مەملەكەتارالىق گۋمانيتارلىق ىنتىماقتاستىق قورىنىڭ قولداۋىمەن وتپەك. عىلىمي شارانىڭ باستى ۇيىمداستىرۋشىلارى - ارمەنيا رەسپۋبليكاسىنىڭ ۇلتتىق عىلىم اكادەمياسى مەن عىلىم جانە ءبىلىم مينيسترلىگى.
«فورۋمدى وتكىزۋدەگى باستى ماقسات - تمد ەلدەرىنىڭ عىلىمي-تەحنيكالىق ىنتىماقتاستىعىن جانداندىرۋ جانە دامىتۋ, بىرلەسكەن زەرتتەۋلەر جۇرگىزۋگە جاڭا سەرپىن بەرۋ, ەلدەردىڭ يننوۆاتسيالىق ساياساتىن دامىتۋ جونىندە ۇسىنىستار ازىرلەۋ, سونداي-اق جاستار اراسىندا عىلىم مەن عىلىمي قىزمەتتى ناسيحاتتاۋ», - دەيدى تمد اتقارۋ كوميتەتىنىڭ قىزمەتكەرلەرى.
جالپى وتىرىستان تىس, فورۋم اياسىندا «ىرگەلى عىلىمنىڭ قازىرگى احۋالى جانە دامۋ پەرسپەكتيۆالارى», «تسيفرلىق كەزەڭدەگى عىلىمي ىنتىماقتاستىقتى جەتىلدىرۋ», «يننوۆاتسيالىق عىلىمي زەرتتەۋلەر» تاقىرىپتارىندا دوڭگەلەك ۇستەلدەر وتەدى.