«قازاقستاننىڭ ۇزدىك تاۋارى» كورمە-كونكۋرسى ءوتتى

كورمە قارساڭىنداعى ور­­­تالىق كوممۋنيكاتسيا­لار قىزمەتىندە وت­كەن ءباس­پا­­­سوز ءماسليحاتىندا «اتا­مە­كەن» ۇكپ تورالقا تور­اعا­سى حات­شىلىعىنىڭ جەتەك­شىسى ءلاززات رامازانوۆا بي­­ىل­عى كورمە-بايقاۋدىڭ ەرەك­شە­لىكتەرىن ايتىپ بەرگەن ەدى.

«بايقاۋعا ەلىمىزدىڭ بار­­­­­لىق وبلىس ورتالىق­تا­رىن­دا, استانا مەن الماتى قا­لالارىندا ماۋسىم مەن تا­­­­­­­مىز ارالىعىندا وتكەن وڭىر­­­لىك كەزەڭدەردىڭ 153 ج­ە­­­ڭىم­­پاز كومپانياسى قا­تى­سادى. بيىل ءبىز جەرگىلىكتى تا­­­­­ۋار وندىرۋشىلەردى قولداۋ ماقساتىندا تۇڭعىش رەت ونلاين داۋىس بەرۋدى قوسىپ وتىرمىز. الدىمەن ساراپتاۋ كوميسسياسى رەسپۋبليكالىق كور­مەگە قاتىسۋشىلاردىڭ ىشىنەن 27 ءفيناليستى انىق­تايدى. مۇنان كەيىن قا­زاق­ستاندىق تۇتىنۋشىلار 15-25 قازان ارالىعىندا وتان­دىق ۇزدىك وندىرۋشىگە داۋىس بەرە الادى», دەگەن بولاتىن ول.

ءلاززات رامازانوۆانىڭ ايتۋىنشا, وڭىرلىك كەزەڭدەرگە قاتىسۋشىلاردىڭ جالپى سا­­نى بيىل 1163 كومپانيانى قۇراعان. دەمەك بيىلعى قا­تىسۋشىلار سانى وسىعان دە­يىن­­­گىدەن ەكى ەسەگە جۋىق ار­­تىپ وتىر.

ال جۇما كۇنى بولىپ وتكەن كورمە-كونكۋرستىڭ سالتاناتتى اشىلۋىنا ين­ۆەستيتسيالار جانە دامۋ ءمينيسترى جەڭىس قاسىمبەك پەن «اتا­مەكەن» ۇكپ باسقارما توراعاسى ابى­­­­­لاي مىرزاحمەتوۆ قاتىستى. مي­نيستر مەملەكەت باسشىسىنىڭ قازاق­ستان حال­قىنا جولداۋىندا قازاق­ستان­دىق كاسىپورىنداردىڭ تۇ­تىنۋ تاۋارلارىنىڭ كەڭ اۋقى­مىن مەڭ­گەرۋىنە, بىلايشا ايت­قان­دا, «قاراپايىم زاتتاردىڭ ەكو­نوميكاسىن» دامىتۋعا نا­زار اۋدارعانىن اتاپ ءوتتى. «قازاقستاننىڭ ۇزدىك تاۋارى» بايقاۋى تەك ساپا ماسەلەسىن وزەك­تەندىرىپ قويماي, سونى­مەن قا­تار كاسىپورىنداردىڭ باسەكەگە قابى­لەتتىلىگىن ارتتى­رۋعا دا كومەكتەسەدى.

«بۇگىنگى تاڭدا مەملە­كەت بيزنەستى قولداۋعا با­عىت­تال­­­عان, اسىرەسە وڭ­دەۋ سەك­تو­­­رىنداعى ەكسپورتتاۋ­شى­لار­­دىڭ ءوسىمىن ىنتالاندى­راتىن بىرقاتار كەشەندى جۇ­يەلىك شارالار قابىلداۋدا. كوپتەگەن قاتىسۋشىلار جا­نە ءاربىر ادام وزدەرىنىڭ باسە­كەلەستەرىنىڭ قالاي جۇمىس ىستەيتىنىن, ولاردىڭ قانداي سا­پالى ءونىم شىعاراتىنىن كورە الادى. ءبىز جىل سايىن قاتىسۋشىلاردىڭ سانى ءوسىپ كەلە جاتقانىن كورىپ وتىرمىز, قازىر قاتىسۋشىلاردىڭ 80%-ى جاڭا كومپانيالار», دەدى جەڭىس قاسىمبەك.

«اتامەكەن» ۇكپ باس­قار­ما تور­­اعاسى ابىلاي مىر­زاحمەتوۆ ءوز سو­زىندە مەم­لە­­كەت باسشىسىنىڭ وتان­دىق ەكسپورتتاۋشىلارعا قول­­داۋ كورسەتۋ ءۇشىن 500 ملرد تەڭگە جانە وندى­رۋ­شى­لەر­گە قولداۋ كورسەتۋ ءۇشىن 600 ملرد تەڭگە ءبولۋ تۋ­را­لى تاپسىرما بەرگەنىن ەس­كە سالدى. قازاقستاندىق كومپانيالاردىڭ جاڭا نارىق­تارعا شىعۋلارى ءۇشىن 20 ميل­ليارد دوللارعا جۋىق قار­جى ولارعا كومەك رەتىندە باعىت­تالاتىن بولادى.

«بيىل وڭىرلىك بايقاۋعا 1163 كومپانيا قاتىستى. بۇل ءبىز ويلاعاننان دا جوعارى, ءتىپتى رەكوردتىق كورسەتكىش. ۇلت­تىق پالاتا وتاندىق تاۋار­لاردىڭ ساپاسى جوعارى بولۋىن, وندىرۋشىلەردىڭ باسەكەگە قابىلەتتى بولۋىن كورمەنىڭ باستى ماقساتى سانايدى», دەدى ابىلاي مىرزاحمەتوۆ.

رەسپۋبليكالىق كورمە اياسىندا ەلوردا تۇرعىندارى مەن قوناقتارىنا وتاندىق تاۋار­­لاردىڭ كەڭ اۋقىمى ۇسى­­نىلدى. كەز كەلگەن تۇر­عىن ۇسىنىلعان ونىمد­ەر­دىڭ ءدامىن تاتىپ كورە الادى جانە وندىرۋشىلەردىڭ باعا­سىمەن ساتىپ الا الادى. سونداي-اق كونكۋرستا وتان­دىق وندىرۋشىلەردىڭ كي­ىم-كەشەكتەرى, ماستەر-كلاس­تار جانە كەلۋشىلەر ارا­سىن­دا ۇتىس ويىندارى ۇيىم­داس­تىرىلدى.

بايقاۋدى 2015 جىلدان بەرى «اتا­مەكەن» ۇكپ ۇيىم­داستىرىپ كەلەدى. باي­قاۋ ءۇش نوميناتسيا بويىن­شا وتكى­زىلەدى: «ۇزدىك ون­­دىرىستىك تاۋارلار»; «حا­لىق­­­­قا ارنالعان ەڭ ۇزدىك تا­­­ۋار­­لار» جانە «ەڭ ۇزدىك ازىق-ت ۇلىك ونىمدەرى».

كورمەدە ابىلاي مىر­زاحمەتوۆ پەن جەڭىس قاسىم­بەك قاتىسۋشىلاردىڭ تاۋار­لارىمەن تانىسا ءجۇرىپ, قى­زىل­وردالىق «Dalatex» فير­ماسىنىڭ جەيدەلەرىن ساتىپ الدى. كومپانيا 2016 جىلدان بەرى وتاندىق نارىقتا. قازاقستاننىڭ ءار وڭىرىندە وكىلدىكتەرى بار, سونىمەن قوسا ونىمدەرىن رەسەيگە ەكسپورتتايدى.

ء«بىز وسىنداي اۋقىمدى كورمەگە قاتىسقانىمىزعا قۋا­­نىشتىمىز. جەي­دەلەرىمىز شەت­ەلدىك ونىمدەردەن كەم ەمەس, ال باعاسى ولارعا قارا­عان­دا ارزان, ياعني قولجەتىمدى. بيىلعى كورمە جەڭىمپازى اتانامىز دەگەن ءۇمىتىمىز دە بار», دەدى «Dalatex» جشس ديرەكتورى دىنمۇحامەد ابى­زوۆ.

«بىزدە ماقتانىپ اي­تۋعا تۇرارلىق دۇنيەلەر بارشى­لىق. وتانداستارىمىز ەلى­مىزدە قانداي تاۋارلار وندى­رىلەتىنىن بىلە بەرمەيدى. وسى كورمەنىڭ اياسىندا مۇم­­كىن­دىگىنشە وتاندىق تا­ۋار­لا­­رى­مىزدى كوپشىلىككە تا­نىس­­تىرۋدى ماقسات تۇتىپ وتىر­مىز», دەدى «اتا­مە­كەن» ۇكپ رەسپۋبليكالىق باي­قاۋلارىنىڭ ۇيىمداستى­رۋ­شىسى سال­تانات ابدىكا­رىموۆا كورمەنى وتكىزۋ بارى­سىندا.

بيىل جەڭىمپازداردى انىقتاۋ ءتارتىبى وزگەرگەندىگىن جوعارىدا ايت­تىق. باستى ەرەك­شەلىك – قا­زاقستان تۇر­عىندارى ەندى ۇزدىك ءوندىرۋشىنى انىقتاۋ ءۇشىن داۋىس بەرە الادى. وسى ماقساتتا 15 قازان كۇنى ساعات 9:00-دە www.altynsapa.kz سايتى ارقىلى داۋىس بەرۋ باستالادى. ول 25 قازانعا دەيىن جالعاسادى. ماراپاتتاۋ ءراسىمى جەلتوقسان ايىندا وتەدى.

«قازاقستاننىڭ ۇزدىك تاۋارى» بايقاۋى وتاندىق وندىرۋ­شىلەردى جانداندىرۋ ماقسا­تىندا وتكىزىلەتىن ءداستۇرلى كون­كۋرس بولىپ تابىلادى. ۇيىم­داستىرۋشىلاردىڭ ايتۋىنشا, ول قازاقستاندىق نارىقتى جوعارى ساپالى جانە باسەكەگە قابىلەتتى ونىممەن تو­لىقتىرۋعا كومەكتەسەدى. 

سونىمەن قاتار كونكۋرس كاسىپ­كەرلەرگە جاڭا سەرىك­تەس­­تەر تابۋعا جانە يمپورتتى الماس­تىرۋعا مۇمكىندىك بەرەتىن B2B-پلاتفورما بولىپ تابىلادى.

سۇڭعات ءالىپباي,

«ەگەمەن قازاقستان»