«باتىس» وڭىرلىك قولباسشىلىعىنىڭ بارلىق اسكەري بولىمدەرىندە 2018 جىلعى كۇزگى شاقىرۋعا جاس تولىمدى قابىلداۋعا جاپپاي جوسپارلى دايىندىق جۇرگىزىلدى.
اسكەري قالاشىقتاردا قىزمەتتىك ءۇي-جايلار مەن عيماراتتاردىڭ پروفيلاكتيكالىق جوندەۋى جۇرگىزىلدى, كازارمالار قاجەتتى مۇكاممال جانە م ۇلىكپەن تولىق جابدىقتالدى, ساباقتاردى وتكىزۋ ءۇشىن وقۋ-ماتەريالدىق بازا جاڭارتىلدى.
كەلگەن جاس تولىممەن اسكەري پسيحولوگتار ساۋالناما جانە تەستىلەۋ جۇرگىزىپ, سودان كەيىن بولىمشەلەردىڭ كومانديرلەرى ءۇشىن جەكە قۇراممەن جۇمىس جاساۋ ءۇشىن جەكە ۇسىنىمداردى ازىرلەيدى.
«باتىس» وڭىرلىك قولباسشىلىعى اسكەرلەرى قولباسشىسىنىڭ تاربيە جانە يدەولوگيالىق جۇمىستارى جونىندەگى ورىنباسارى پودپولكوۆنيك سەرىك سەيىتباەۆتىڭ ايتۋى بويىنشا, اسكەري بولىمدەرگە كەلگەن سوڭ جاس تولىم جابدىقتالىمنىڭ بارلىق تۇرلەرىنە قويىلدى جانە بولىمشەلەر بويىنشا ءبولىندى. ءبولۋ كەزىندە قايتا تەرەڭدەتىلگەن مەديتسينالىق تەكسەرۋ جانە پسيحولوگيالىق تەستىلەۋ جۇرگىزىلەدى. جاس تولىمدى زەردەلەۋ كەزىندە ءبىلىم دەڭگەيى مەن ماماندىقتىڭ بولۋىنا, مىنەز-ق ۇلىق ەرەكشەلىكتەرى مەن ىسكەرلىك قاسيەتتەرىنە, ءار اسكەري قىزمەتشىنىڭ جەكە ەرەكشەلىكتەرىنە ەرەكشە نازار اۋدارىلادى.
جاڭا جاعدايعا بەيىمدەلۋ ءۇشىن جاس تولىممەن جالپىاسكەري دايىندىق كۋرسى وتكىزىلەدى. ونىڭ بارىسىندا كەلگەن اسكەري قىزمەتشىلەر جالپىاسكەري دايىندىق نەگىزدەرىن زەردەلەپ, كۇندەلىكتى قىزمەتتىڭ ءار تۇرىندە ءىس-قيمىل جاساۋ ماشىعى مەن ءبىلىمدى جيناقتايدى.
كۋرس اياقتالعان سوڭ مەرزىمدى قىزمەتتەگى اسكەري قىزمەتشىلەر اسكەري انت قابىلدايدى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى