قازاقستان رەسپۋبليكاسى ۇلتتىق قاۋىپسىزدىك كوميتەتى 2018 جىلعى 10 قازاندا الماتى قالاسىندا ىشكى ىستەر مينيسترلىگىمەن بىرلەسىپ, الماتى وبلىسىنىڭ تۇرعىنى ك. اليەۆ جەتەكشىلىك ەتكەن اسا قاۋىپتى قارۋلى ۇيىمداسقان قىلمىستىق توپتىڭ ارەكەتىن اشكەرەلەپ, جولىن كەستى.
ۇقك «ا» ارناۋلى ماقساتتاعى قىزمەتىن تارتۋمەن جۇرگىزىلگەن ارنايى وپەراتسيا ناتيجەسىندە قىلمىستىق توپ جەتەكشىسى ك. اليەۆ جانە ونىڭ 5 بەلسەندى مۇشەسى: ت. اليەۆ, ا. دارتاەۆ, د. تەرەشين, س. ديديك جانە ج. قالتاي ۇستالدى.
قىلمىستىق توپتىڭ نەگىزگى قۇرامى قۇقىق قورعاۋ ورگاندارىنىڭ بۇرىنعى قىزمەتكەرلەرىنەن تۇرعانى انىقتالدى, ولار 2018 جىلعى 13 قىركۇيەكتە جامبىل وبلىسىنىڭ وتار ستانتسياسىندا كاسىپكەر ر. اگاگۋللينگە قارۋلى قاراقشىلىق شابۋىل جاساپ, 107 مىڭ اقش دوللارىن, 4 ملن. رەسەيلىك رۋبل مەن 23 مىڭ ەۋرونى يەلەنگەن.
ءتىنتۋ ءىس-شارالارى بارىسىندا ۇستالعانداردان 8 پيستولەت پەن مىلتىق, 140 دانا وق-ءدارى, راديوستانتسيالار, جالعان اۆتوموبيلدىك تىركەۋ بەلگىلەرى, ماتادان جاسالعان بەتپەردەلەر, كىسەندەر مەن قاراقشىلىق شابۋىل جاساۋعا ارنالعان باسقا دا قۇرالدار تابىلدى جانە الىندى.
قازىرگى ۋاقىتتا تەرگەۋ-جەدەل ءىس-شارالارى جۇرگىزىلۋدە.