بۇگىن استانا ۋاقىتى بويىنشا 22:00-دە قازاقستان ۇلتتىق قۇراماسى ۇلتتار ليگاسى اياسىندا لاتۆيا قۇراماسىمەن كەزدەسەدى.
بۇگىن فۋتبولدان قازاقستان ۇلتتىق قۇراماسى ۇلتتار ليگاسى اياسىنداعى ءۇشىنشى كەزدەسۋىن وتكىزەدى. بۇل جولعى قارسىلاس - لاتۆيا ۇلتتىق قۇراماسى. ۇلتتىق قۇرامالاردىڭ ويىنى ريگانىڭ «داۋگاۆا» ستاديونىندا وتەدى.
بۇل - ءبىزدىڭ قۇراما ءۇشىن ماڭىزدى ويىن. ۇلتتار ليگاسىنىڭ توپتىق كەزەڭىنەن ءوتۋ ءۇشىن لاتۆيا قۇراماسىن جەڭۋى شارت.
ۇلتتىق قۇراما لاتۆيامەن 5 ويىن وتكىزگەن. قورجىنىمىزدا يسلامبەك قۋات سىيلاعان جەڭىستى ءبىر ويىن بار. ودان بولەك, ەكى كەزدەسۋ لاتۆيا جەڭىسىمەن اياقتالسا, ەكەۋى تەڭ تۇسكەن ويىندار.
ۇلتتىق قۇرامانىڭ ويىنالدى جاتتىعۋى (ۆيدەو)