قىزىلوردا وبلىسىنىڭ سىرداريا اۋدانىندا اۋماقتىق قورعانىس-اسكەري بولىمدەرىنىڭ جيىنى ءوتتى دەپ حابارلايدى «Egemen.Kz» ءتىلشىسى.
قىزىلوردا وبلىسىنىڭ اكىمى ق.كوشەرباەۆ, سىرداريا اۋدانىنىڭ اكىمى ع.كازانتاەۆ پەن اۋماقتىق قورعانىس جانە قۇقىق قورعاۋ ورگاندارىنىڭ باسشىلارى مەن قىزمەتكەرلەرىنىڭ قاتىسۋىمەن ءوتىپ جاتقان جاتتىعۋعا 300 ادام جانە 22 ارنايى تەحنيكا قاتىسۋدا.
وقۋ-جاتتىعۋ اياقتالعاننان كەيىن وبلىس اكىمى ق.كوشەرباەۆ قاتىسۋشىلاردى اسكەري وپەراتسيانى ءساتتى وتكىزۋىمەن قۇتتىقتاپ, ۇزدىكتەردى ماراپاتتادى.
- ەل پرەزيدەنتى – باس قولباسشى نۇرسۇلتان ءابىش ۇلى نازارباەۆ ەلىمىزدىڭ بىرتۇتاستىعىن, حالقىمىزدىڭ قاۋىپسىزدىگىن قامتاماسىز ەتۋدە, ءومىر ءسۇرۋ جانە اسا ماڭىزدى نىسانداردى كۇزەتۋ مەن قورعاۋدا اۋماقتىق قورعانىس قۇرىلىمدارىنىڭ ورىنى ەرەكشە ەكەنىن ءاردايىم ايتىپ كەلەدى. قاي زاماندا بولماسىن اتا-بابامىز وت پەن وققا ورانىپ, جانىن قيسا دا, ارىن ساتپاعان, ءبىر سۇيەم جەرىن جاۋ قولىنا ۇستاتپاعان. كەشەگى وتكەن ءجالاڭتوس ءباھادۇر, جانقوجا جانە بۇقارباي باتىرلارداي ەلى مەن جەرى ءۇشىن, حالقىنىڭ قامى ءۇشىن جانىن بەرەر ازاماتتارىمىز بۇگىنگى كۇنى دە از ەمەس,-دەدى وبلىس اكىمى.
باقتيار تايجان,
«ەگەمەن قازاقستان»
قىزىلوردا وبلىسى