اتى ايتىپ تۇرعانداي, قوعامدىق كەلىسىم مەن جالپىۇلتتىق بىرلىكتىڭ قازاقستاندىق ۇلگىسىن ناسيحاتتاۋعا ارنالعان رەسپۋبليكالىق لەكتوريدىڭ ماقساتى – قوعامدىق سانانى جاڭعىرتۋدىڭ «رۋحاني جاڭعىرۋ» باعدارلاماسىن جانە «قازاقستانۋ» جوباسىن ىسكە اسىرۋ اياسىندا قازاقستان حالقى اسسامبلەياسى قىزمەتىنىڭ باعىتتارىن تالقىلاۋ, وڭىرلىك دەڭگەيدە قحا-نىڭ پراكتيكالىق مىندەتتەرىن بەلگىلەۋ بولاتىن. وعان قازاقستان حالقى اسسامبلەياسى توراعاسىنىڭ ورىنباسارى, «lituanica» قوعامدىق بىرلەستىگىنىڭ توراعاسى ۆيتالي تۆاريوناس, وبلىس اكىمىنىڭ ورىنباسارى مارات جۇندىباەۆ, عالىمدار مەن قوعامدىق بىرلەستىكتەر, ۇيىمدار, زيالى قاۋىم وكىلدەرى قاتىستى.
پلەنارلىق ماجىلىستەن كەيىن لەكتوريگە كەلگەن ماماندار مەن عالىمدار ء«داستۇرلى قازاق قوعامىنداعى مەدياتسيا» جانە «قازاقتانۋ» جوباسى بويىنشا ەكى الاڭشاعا ءبولىنىپ جۇمىس ىستەدى. قازاقتارمەن بىرگە جۇزدەن اسا ەتنوستار تۇرىپ جاتقان قازاقستاندا حالىقتىڭ بىرلىگى ارتا ءتۇسۋ ءۇشىن اتقارىلاتىن جۇمىستار جوق ەمەس.
«قازاقتانۋ» جوباسىنىڭ ماقساتىي – قازاق ەتنوگرافياسىن تانۋ, حالقىمىزدىڭ ءداستۇرى, ادەبيەتى, مادەنيەتى, فيلوسوفياسى تۋرالى ەلىمىزدەگى ءتۇرلى ەتنوستارعا تەرەڭ اقپاراتتار بەرۋ بولىپ تابىلادى. ونىڭ سىرتىندا بۇل جوبانىڭ ەتنوسارالىق قارىم-قاتىناستار, كوشى-قوڭ ماسەلەسى, قازاق داستۇرلەرىن ساقتاۋ, ونى جاڭعىرتۋ سەكىلدى ىشكى باعىتتارى دا تولىپ جاتىر. لەكتوريدە كوشى-قوڭ, ەتنوسارالىق ماسەلەلەردى قامتىدىق. قازاقستاننىڭ سولتۇستىك وڭىرلەرىندە حالىقتىڭ سانى ازايىپ بارا جاتىر. ونىڭ ورنىن قالاي تولتىرۋعا بولادى نەمەسە ونى قالاي ساقتاپ قالامىز؟ حالىقتىڭ كوشۋىمەن بىرگە شارۋاشىلىق قۇرىلىمدار دا وزگەرەدى. ادامداردىڭ كوشۋ-قونۋى ونىڭ قۇقىنداعى ماسەلە. بىراق ونىڭ مەملەكەتتىك مۇددەلى جاعى دا بار. شارۋاشىلىق قۇرىلىمداردى دا ساقتاپ قالۋىمىز كەرەك. وسىنداي ماسەلەلەر قازاقستاندى وتانىم دەيتىن ادامداردىڭ بارلىعىن ويلانتۋى ءتيىس» دەيدى تاريح عىلىمدارىنىڭ دوكتورى, پروفەسسور جامبىل ارتىقباەۆ.
لەكتوريدە الەۋمەتتىك مەدياتسيا ماسەلەسى دە تەرەڭ تالداندى.
شاراعا جينالعاندار بۇگىن توپتارعا ءبولىنىپ, ليساكوۆ, رۋدنىي قالالارىنا جانە قارابالىق اۋدانىنا بارىپ, تۇرعىندارمەن كەزدەسەدى, لەكتسيالار وقيدى.
ءنازيرا جارىمبەت,
«ەگەمەن قازاقستان»
قوستاناي