اقتاۋدا وبلىس اكىمى ەرالى توعجانوۆتىڭ قاتىسۋىمەن ۇستازدار كۇنىنە ارنالعان سالتاناتتى جينالىس ءوتتى.
شارا بارىسىندا ءوڭىر باسشىسى 2 مۇعالىمدى «ىبىرايالتىنسارين», 5 مۇعالىمدى ء«بىلىم بەرۋ ءىسىنىڭ قۇرمەتتى قىزمەتكەرى» توسبەلگىلەرىمەن ماراپاتتادى, تاعى 7 ۇستاز وبلىس اكىمىنىڭ العىس حاتتارىن الدى. سونداي-اق, ماڭعىستاۋدا ەكىنشى رەت وتكىزىلىپ وتىرعان ء«بىلىم ۇزدىگى-2018» كونكۋرسىنىڭ ماراپاتتاۋ ءراسىمى ءوتتى. 18 نوميناتسيا بويىنشا 142 مۇعالىم, ء20 بىلىم ۇيىمى قاتىستى. 12 نوميناتسياعا 500 مىڭ تەڭگە, «جىل مۇعالىمى» نوميناتسياسىنا جانە 5 ءبىلىم ۇيىمىنا 1 ميلليون تەڭگە سىيلىقاقى تابىستالدى. ال "جىل مۇعالىمى" فيناليستىنە ءوڭىر باسشىسى توسىنسىي رەتىندە قوسىمشا 500 مىڭ تەڭگە سىياقى تاعايىندادى. بيىلعى جىلدىڭ ۇزدىك ۇستازى جاڭاوزەندىك رامەتۋللا زليحا اتانسا, اقتىق سىنعا دەيىن جەتكەن ەسىم تىلەكتەس سەرىكبايقىزى بولدى.
ە.توعجانوۆ كۇنى كەشە پرەزيدەنت نۇرسۇلتان ءابىش ۇلى نازارباەۆ ەلىمىزدىڭ الەۋمەتتىك-ەكونوميكالىق دامۋىنىڭ وزەكتى ماسەلەلەرىن جانە قازاقستاندىقتاردىڭ ءال-اۋقاتىن ودان ءارى جاقسارتۋ ماسەلەلەرىن قامتىعان جاڭا جولداۋىن حالىققا جاريالاعانىن اتاپ ءوتتى.
كەلەسى جىلى «پەداگوگ ستاتۋسى تۋرالى» زاڭ قابىلداۋ جونىندە تاپسىرما بەرگەنىن بارشا ۇستازدار قاۋىمى زور ىقىلاسپەن قابىلدادى. بۇل – پەداگوگتار ءۇشىن ەرەكشە قامقورلىق پەن قولداۋ دەپ بىلەمىز. ءبىلىم سالاسىنا, سونىڭ ىشىندە مەكتەپكە دەيىنگى تاربيە مەن وقىتۋعا ەرەكشە كوڭىل ءبولۋ جونىندە ناقتى تاپسىرمالار بەرىلدى. ءۇش اۋىسىمدى جانە اپاتتى مەكتەپتەردى جويۋ, وقۋشى ورنىنىڭ تاپشىلىعىن ازايتۋ ماقساتىندا رەسپۋبليكالىق بيۋدجەتتەن 2019-2021 جىلدارعا 50 ملرد. قارجى ءبولۋ جونىندە ايتىلدى, دەدى ءوڭىر باسشىسى.
بيىل وبلىستىق ءبىلىم سالاسىندا اۋقىمدى شارالار اتقارىلدى. ءبىر جىلدىڭ وزىندە وبلىستا 9 مەكتەپ ىسكە قوسىلىپ, حالىقتىڭ يگىلىگىنە بەرىلدى. اقتاۋ قالاسىنداعى №29 جاڭا ءبىلىم ورداسى سمارت-مەكتەپ بولىپ اشىلدى. وندا STEM-لابوراتوريا,سمارت-جىلىجاي, گالوگرافيكالىق اقپاراتتاندىرۋ بۇرىشتارى, چيپ ارقىلى وقۋشىلاردىڭ مەكتەپكە كەلىپ-كەتۋىن قاداعالاۋ جوبالارى ەنگىزىلىپ, وبلىس مەكتەپتەرىندە 17 ءىت سىنىبى, 25 جىلىجاي اشىلدى. بۇل باعىتتاعى جۇمىستار جالعاسىن تابا بەرمەك. جاڭا وقۋ جىلىنان باستاپ جاڭارتىلعان ءبىلىم مازمۇنى بويىنشا ساباق بەرەتىن پەداگوگتاردىڭ 75 پايىزى بىلىكتىلىگىن ارتتىرۋعا, وبلىس مۇعالىمدەرىنىڭ 80 پايىزىنىڭ جالاقىلارىنا ۇستەم اقى قوسىلدى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى