ەلباسى ن.ءا.نازارباەۆتىڭ قازاقستان حالقىنا ارناعان ءار جولداۋى دامۋدىڭ جاڭا مۇمكىندىكتەرىنە جول اشادى, بارشا قازاقستاندىقتاردى جىگەرلەندىرەدى. ستراتەگيالىق ماڭىزى زور قۇجاتتا بەلگىلەنگەن مىندەتتەردىڭ شەشىم تابۋى حالىقتىڭ ءال-اۋقاتىن ارتتىرىپ, بولاشاققا دەگەن سەنىمىن نىعايتادى.
قاي ەلدى الىپ قاراماساق تا, بiلiم بەرۋ جۇيەسi ەكونوميكا, ساياسات, مادەنيەت سالاسىنداعى وزگەرiستەر مەن دامۋعا اسەر ەتەتىندىگى انىق. الەمنىڭ كەز كەلگەن ەلىندە بiلiم تۇلعانى الەۋمەتتiك-ەكونوميكالىق ۇدەرىسكە تيiمدi قاتىسۋىن قامتاماسىز ەتەتiن نەگiزگi فاكتور بولىپ تابىلادى. سوندىقتان ەلباسى جولداۋدا بالا باقشادان باستاپ جوعارى وقۋ ورنىنا دەيىنگى كەزەڭدە ءبىلىم بەرۋدىڭ جاڭا ساپاسىنا قول جەتكىزۋگە باسا نازار اۋدارىپ وتىر.
ەلباسى مەكتەپكە دەيىنگى ءبىلىم بەرۋ ساپاسىن تۇبەگەيلى جاقسارتۋ قاجەتتىلىگىن اتاپ ءوتتى. وسى باعىتتا بىزدە ءالى دە شەشىمىن تاپپاعان ءبىراز ماسەلەلەر بار. مىسالى, بۇگىنگى كۇنى 5 جاسار بالالارعا ارنالعان (0) نولدىك سىنىپتار مەكتەپتەردە جانە مەكتەپكە دەيىنگى ءبىلىم بەرۋ ۇيىمدارىندا جۇمىس ىستەۋدە. ەگەر مەكتەپتەرگە ەنگىزىلگەن نولدىك سىنىپ جالپى ءبىلىم بەرەتىن ۇيىمنىڭ ساناتىنا جاتپايتىن بولسا, وندا نولدىك سىنىپتىڭ مەملەكەتتىك ستاندارتتارى, باعدارلامالارى قالاي بەكىتىلىپ جاتىر, وقۋ-ادىستەمەلىك قۇرالدارى قانداي قارجى كوزىنەن قارجىلاندىرىلۋدا, مەكتەپتەردە بۇل نولدىك سىنىپتاردا ساباقتاردى مۇعالىم-پەداگوگ جۇرگىزەتىن بولسا بالاباقشالاردا تاربيەشىلەرى جۇرگىزەدى, سوندا, بالاباقشاداعى جانە مەكتەپتەگى (0) نولدىك سىنىپتاردا وقىعان بالالاردىڭ مەكتەپكە دايارلىق دەڭگەيى قانداي بولماق سىندى سۇراقتاردى ءبىز دەپۋتاتتىق ساۋال رەتىندە ءتيىستى ورگاندارعا جولدادىق, بولاشاقتا شەشىمىن تابار دەگەن ۇمىتتەمىز.
ورتا ءبىلىم بەرۋ سالاسىندا ەلباسى نازارباەۆ زياتكەرلىك مەكتەپتەرىنىڭ ادىستەمەسىن جالپى ءبىلىم بەرەتىن مەكتەپتەردىڭ تاجىريبەسىنە ەنگىزۋگە, جوعارى سىنىپ وقۋشىلارىن نارىق سۇرانىسىنا سايكەس ماماندىقتارعا بەيىمدەۋگە, ولاردىڭ ءبىلىم ساپاسىن باعالاۋدى حالىقارالىق ستاندارتتارعا نەگىزدەۋگە, بارلىق وقۋ ورىندارىن بەينەباقىلاۋ جۇيەسىمەن قامتۋعا, پسيحولوگ مامانداردىڭ جۇمىسىن جانداندىرۋعا كوڭىل ءبولدى. وكىنىشكە وراي, ەلىمىزدىڭ كەيبىر ايماقتارىندا دەموگرافياعا, ۋربانيزاتسياعا بايلانىستى ءۇش اۋىسىمدى جانە اپاتتى جاعدايداعى مەكتەپتەردىڭ پروبلەماسى ءالى دە بار, وسى ورايدا 2019-2021 جىلدارعا ارنالعان بيۋدجەتتەن قوسىمشا 50 ميلليارد تەڭگە قاراستىرۋدى ۇكىمەتكە تاپسىرۋى وسكەلەڭ ۇرپاققا, مەملەكەت بولاشاعىنا جاسالعان قامقورلىق دەپ بىلەمىن. ال مۇعالىم – قوعامدا بولىپ جاتقان وزگەرىستەر مەن حالىقتىڭ ساناسىن جاڭعىرتۋشى ەلشى ەكەندىگىن ەسكەرسەك, «پەداگوگ مارتەبەسى تۋرالى» زاڭدى ازىرلەپ, قابىلداۋ دەر كەزىندە قولعا الىنعان يگى باستاما دەپ سانايمىن.
قازاقستان رەسپۋبليكاسىنداعى ء«بىلىم تۋرالى» زاڭدا بەلگىلەنگەندەي, ەلىمىزدەگى جوعارى وقۋ ورىندارىنىڭ اكادەميالىق جانە ءوزىن-ءوزى باسقارۋىن كەڭەيتۋ مۇمكىندىكتەرى قاراستىرىلعان. جوعارى وقۋ قىزمەتىنە قاتىستى بىرقاتار ماسەلەلەر ولاردىڭ قۇزىرەتتىلىكتەرىنە بەرىلگەن. تيىسىنشە, ەندى جوعارى وقۋ ورىندارىنىڭ قىزمەتىنە دە تالاپ كۇشەيتىلەتىن بولادى. ولاردىڭ جۇمىس ناتيجەسىنىڭ باستى كورسەتكىشى - بىتىرگەن مامانداردىڭ جۇمىسقا ورنالاسۋى, سونىڭ ىشىندە ەڭبەكاقىسى جوعارى جۇمىسپەن قامتىلۋى بولماق.
جالپى, جولداۋدا بەلگىلەنگەن مىندەتتەردىڭ بارلىعى دەرلىك حالىقتىڭ ءومىرىن جاقسارتۋعا, ءومىر ءسۇرۋ دەڭگەيىن ارتتىرۋعا باعىتتالعان. ارينە, ەل دامۋىنىڭ ستراتەگياسىن دۇرىس تاڭداپ ءارى قاراي تابىستى جۇزەگە اسىرۋ, ەڭ الدىمەن, ادام كاپيتالىنا بايلانىستى, سوندىقتان ەلباسى ايقىنداپ بەرگەن ناقتى مىندەتتەردى ەل بولىپ بىرلەسە جۇزەگە اسىرايىق.
ءابدىماناپ بەكتۇرعانوۆ,
پارلامەنت ماجىلىسىنىڭ دەپۋتاتى