اقوردادا قر پرەزيدەنتى نۇرسۇلتان نازارباەۆتىڭ قازاقستان حالقىنا جولداۋى باستالدى.
«ۇكىمەت, مەملەكەتتىك ورگانداردىڭ, كومپانيالاردىڭ ءبىرىنشى باسشىلارى جۇمىسقا دەگەن ادىستەرىن وزگەرتۋلەرى ءتيىس. قازاقستاندىقتاردىڭ ءال-اۋقاتىنىڭ ارتۋى نەگىزگى باسىمدىققا اينالۋى ءتيىس», دەدى ەلباسى نۇرسۇلتان نازارباەۆ قازاقستان حالقىنا جولداۋىندا.
«ەلىمىز بەن استانامىز حالىقارالىق قاۋىمداستىق سەنەتىن جەرگە اينالدى. ءبىز ەۋرازيا ءوڭىرىنىڭ قارجىلىق, ىسكەرلىك, يننوۆاتسيالىق, مادەني ورتالىعى رەتىندە جانە ءوزىمىزدىڭ بولاشاعىمىزدىڭ مەجەسى رەتىندە قامتاماسىز ەتۋ ءۇشىن جاڭا ەلوردامىزدى سالدىق. ول بۇكىل حالقىمىزدىڭ قۋانىشى مەن ماقتانىشىنا اينالدى. حالىق سانى وسى جىلداردىڭ ىشىندە 18 ميلليوننان اسىپ, ءومىر ءسۇرۋ ۇزاقتىعى 72,5 جاسقا دەيىن ارتتى. تاۋەلسىزدىك العان العاشقى جىلدا قازاقستاندا حالىق سانى 14 ميلليوننان اسپايتىن ەدى. ءبىز بەرىك ەكونوميكالىق نەگىز قالىپتاستىردىق», - دەدى ەلباسى.
ايتا كەتەيىك, بيىلعى جولداۋ ەلىمىزدىڭ الەۋمەتتىك-ەكونوميكالىق دامۋىنىڭ وزەكتى ماسەلەلەرىنە جانە قازاقستاندىقتاردىڭ ءال-اۋقاتىن ودان ءارى ارتتىرۋ مىندەتتەرىنە ارنالعان.