2018 جىلدىڭ 2 قازانىندا ەلورداداعى دوستىق ۇيىندە استانا قالاسى قازاقستان حالقى اسسامبلەياسى, استانا قالاسى اكىمدىگى جانىنداعى «قوعامدىق كەلىسىم» كوممۋنالدىق مەملەكەتتىك مەكەمەسى جانە استانا قالاسىنىڭ ءدىن ىستەرى باسقارماسى بىرلەسىپ, ءدىني ەكسترەميزم مەن تەرروريزمىنىڭ الدىن الۋ ماسەلەسىنە ارنالعان جيىن وتكىزدى. جيىنعا استانا قالاسىنداعى ەتنومادەني بىرلەستىكتەردىڭ وكىلدەرى جانە جاستار ۇيىمدارى قاتىستى, دەپ حابارلايدى استانا قالاسى اكىمدىگى جانىنداعى «قوعامدىق كەلىسىم» قورىنىڭ ءباسپاسوز قىزمەتى.
«تەرروريزمدى دىنمەن بايلانىستىرۋعا بولمايدى. كوپ جاعدايدا, تەرروريستەر ءوز ماقساتتارىنا جەتۋ ءۇشىن جىمىسقى ۇراندارمەن اتويلاپ شىعادى. ولار ءدىندى تەرىس بۇرمالاپ, بەلگىلى ءبىر جاعدايلاردا ء«دىني تەرروريزم» دەگەن ۇعىمدى كوپشىلىك ورتادا قالىپتاستىرۋعا تىرىسىپ باعادى». كەزدەسۋ بارىسىندا شىعىپ سويلەگەندەردىڭ پىكىرى وسى باعىتتا ءوربىدى. جيىندا تالقىلانعان ماسەلەنىڭ ءمانى تەرەڭ اشىلۋ ءۇشىن بۇلدىرگىش كۇشتەردىڭ قاۋىپتى ارەكەتتەرى تۋرالى بەينەماتەريالدار كورسەتىلدى. سونىمەن بىرگە, ماماندار قاتىسۋشىلارعا جالعان اعىمداعىلاردىڭ ءىس-ارەكەتتەرىن تالدامالى تۇسىندىرمەمەن جان-جاقتى ايتىپ بەردى.
وسى تاقىرىپتا استانا قالاسى ەتنومادەني بىرلەستىكتەرى وكىلدەرىمەن تاعى ءبىر كەزدەسۋ وتكىزىلمەك. ونى 2018 جىلدىڭ 4 قازانىندا ساعات 17:00-دە وتكىزۋ جوسپارلانىپ وتىر.
اتالعان ءىس-شارانى وتكىزۋدەگى باستى ماقسات-بۇلدىرگىش كۇشتەردىڭ ارەكەتتەرى تۋرالى كوپشىلىككە تولىققاندى اقپارات بەرىپ, ءدىني ەسكترەميزمگە قارسى تۇرۋ قاجەتتىلىگىن ايقىن اشىپ كورسەتۋ.