استانادا الەم­دىك جانە ءداس­تۇر­لى دىندەر كوشباسشىلارىنىڭ VI سە­زى وتەدى

ەلىمىزدىڭ حالىقارالىق اۋقىم­داعى باستامالارىنىڭ بارلىعى حالىقارالىق قوعامداستىق تاراپىنان قولداۋ تاۋىپ كەلەدى. قازاقستاننىڭ, اسىرەسە قاۋىپسىزدىك, تەرروريزم جانە ءدىني ەكسترەميزمگە قارسى كۇرەس سالاسىنداعى بايىپتى باستامالارىنىڭ ورنى ەرەكشە. وسى ارادا پرەزيدەنت ن.نازارباەۆتىڭ باستاماسىمەن ءارى قولداۋىمەن ءۇش جىل سا­يىن ۇيىمداستىرىلىپ كەلە جات­قان الەمدىك جانە ءداستۇرلى دىن­دەر كوشباسشىلارى سەزىنىڭ ماڭىز­دىلىعىن ايرىقشا اتاپ كورسەتكەنىمىز ابزال. 

رۋحاني كەلىسىم مەن دىنارالىق تاتۋلىق ادامزاتتىڭ بەيبىت ءومىر ءسۇ­رۋى­نىڭ باستى كەپىلى ەكەنىن تۇسىنە بىل­گەنگە بۇل سەزدىڭ ءمان-ماڭىزى ايتپاسا دا ۇعىنىقتى. بۇگىندە سەزد ءتۇرلى ءدىن­نىڭ ليدەرلەرىن, تانىمال ساياسي قاي­راتكەرلەر مەن ساراپشىلاردىڭ باسىن بىرىك­تىرىپ, الەمدىك قاۋىپسىزدىك پەن ىن­­تىماقتاستىقتىڭ وزەكتى ماسە­لەلەرىن سانا سارابىنا سالاتىن, شەشىمىن كۇتكەن تۇيتكىلدەرگە ادامزات نازارىن اۋداراتىن رۋحاني ۇنقاتىسۋ الاڭى رەتىندە مو­يىندالعان. بۇل ءوز كەزەگىندە قوعامدىق ۇيلەسىم مەن دىنارالىق تاتۋلىقتىڭ جار­قىن مودەلىن قا­لىپتاستىرعان ەلىمىزدىڭ جانە ەل­باسى نۇرسۇلتان نازارباەۆتىڭ ىزگىلىكتى ۇستانىمىن, بيىك بەدەلىن ايعاق­تايدى.

جالپى, قازاقستان تاۋەل­سىز­دىك­تىڭ شي­رەك عاسىردان استام ۋا­قىتىندا وركە­نيەتارالىق ديالوگتى قالىپتاستىرۋدا جانە جاھان­دىق اۋقىمدا دىنارالىق قاتى­ناستاردى تولەرانتتىلىق قاعي­دات­تارى نەگىزىندە دامىتۋدا كۇش-جىگەرىن بارىنشا جۇمساپ كەلەدى. بۇل ءسوزىمىزدىڭ ءبىر دالەلى رەتىندە ەلىمىزدىڭ الەمدىك جانە ءداستۇرلى دىندەر كوشباسشىلارىنىڭ بۇ­عان دەيىنگى سەزدەرىن جوعارى دارەجەدە ۇيىمداستىرعانىن ايتۋىمىزعا بولادى. وسى جيىنداردا ادامزاتتى تول­عاندىرىپ كەلە جاتقان وزەكتى ماسەلەلەر سان قىرىنان تالدانىپ, ولارعا حالىق­ارالىق قوعامداستىقتىڭ كوڭىل اۋدارۋى, كوپتەگەن تاراپتاردىڭ ءبىر-بىرىنە دەگەن سەنىمى ويانىپ, ءوزارا ۇنقاتىسۋعا نيەت بىل­دىر­گەنى سەزد جۇمىسىنىڭ ناتي­جەلى بولعانىن كورسەتسە كەرەك. اتال­عان القالى جيىندار قازاق­­ستان­نىڭ ۇلتارالىق جانە دىن­ارا­لىق قاتىناستاردى نى­عايتۋ سالاسىنداعى جيناقتاعان مول تاجى­ري­بەسىن كەڭىنەن ناسي­حات­تاۋعا مۇم­كىندىك بەردى. بۇدان بولەك, اس­تانادا الەمدىك دىن­ارا­لىق فو­رۋمنىڭ بەس رەت ۇيىم­داس­تىرىلۋى رۋ­حاني كەلىسىمنىڭ جاڭا ءارى ءتيىم­دى جولىن ءتۇزىپ, ەلىمىزدى ور­كەنيەت­ارالىق ديالوگتىڭ بۇگىنگى ۋاقىت تالابىنا ساي كەلەتىن تىڭ فور­ما­سىنىڭ اۆتورى رەتىندە تانىتتى. 

قازاقستاننىڭ ەقىۇ, يىۇ سىن­دى ۇيىمدارعا توراعالىق ەتۋى, بۇۇ قاۋىپسىزدىك كەڭەسىنىڭ تۇ­­راق­تى ەمەس مۇ­شەلىگىنە سايلانۋى ەلىمىزدىڭ كونفەس­سياارالىق كەلى­سىم مەن تولەرانتتىلىق قاعي­دات­تارى بويىنشا جيناقتاعان باي تاجىريبەسىنىڭ لايىقتى مو­يىندالعانىن بىلدىرەدى.

ءسال شەگىنە سويلەسەك, 2015 جىلى وتكەن V سەزگە بۇۇ-نىڭ سول كەزدەگى باس حاتشىسى پان گي مۋننىڭ, بىرقاتار مەم­لەكەت باسشىلارىنىڭ جانە 42 ەلدەن 80-نەن استام دەلەگاتسيانىڭ قاتىسۋى ءوز كەزەگىندە قۇرىل­تاي­دىڭ ماڭىزدىلىعىن ناقتىلاي تۇسەدى. بۇل ارادا سەزدىڭ بارلىق قاتىسۋشىلاردى دىنارالىق قاتى­­­ناستار باعىتىنداعى قاساڭ قاعي­دالاردى جويۋعا, تولەرانت­تىلىق پەن ءوزارا كەلى­سىمنىڭ زاماناۋي ۇر­دىستەرىن جارىققا شى­عارۋعا ۇن­دەگەنى وسى حالىقارالىق باس­قو­سۋدىڭ سالماعىن ارتتىرعانىن ايتا كە­تەيىك.

الەمدىك جانە ءداستۇرلى دىن­دەر كوش­باسشىلارى سەزىنىڭ ەلى­مىزدىڭ الەمدىك ارەناداعى باس­تا­ماشىل ءرولىن, تارتىمدى ءيميدجىن قالىپتاستىرۋدا تيىم­دىلىگىن كورسەتىپ وتىر. سونىمەن قاتار وسى سەزدىڭ يسلام الەمىنىڭ اجى­را­ماس بولىگى سانالاتىن قازاق­ستاندا ۇيىم­داستىرىلۋى دا مۇ­سىلمان قاۋىمى ءۇشىن زور جەتىس­تىك. ويتكەنى حالقى­نىڭ 70 پرو­تسەنتىنەن استامى يسلام ءدىنىن ۇس­­تاناتىن قازاقستاننىڭ اسىل دى­نى­نە جالا جاپقىسى, كۇيە جاق­قىسى كەلە­تىندەر كوبەيىپ تۇرعان بۇگىنگى زاماندا دىن­­ارالىق ۇنقاتىسۋدىڭ ورتالى­عى­نا اينالۋى دىنىمىزگە دەگەن بىر­جاقتى, جاعىم­سىز ءارى ورىنسىز كوزقا­راس­تاردى توقتا­تۋعا, سونداي-اق جا­نە ونىڭ بەدەلىن ارتتىرا تۇ­سۋگە وزىن­دىك ىقپالىن تيگىزبەي قوي­مايدى. 

قورىتا ايتقاندا, الداعى 10-11 قازان كۇندەرى استانادا وتەتىن الەم­­دىك جانە ءداستۇرلى دىندەر كوش­باس­­شىلارىنىڭ ءVى سەزى ەلى­مىز­دىڭ وركە­نيەت كەڭىستىگىندەگى باي­سال­دى ءارى ما­ڭىزدى قادام­دارى­­نىڭ ءبىرى بولماق. ول قازاق­ستان­نىڭ بۇكىل ادام­زات ال­دىن­داعى جاۋاپ­كەرشىلىگىن قان­شا­لىق­تى سەزى­نەتىنىن كورسەتەتىن جيىن بولادى دەپ سەنەمىز.

جولدىباي بازار,

«ەگەمەن قازاقستان»