ءوڭىر باسشىسى بەردىبەك ساپارباەۆتىڭ توراعالىعىمەن وتكەن جيىندا اقتوبە وبلىسىنداعى قالالار مەن ەلدى مەكەندەر اۋماعىنداعى ساياباقتار مەن گۇل باقتارىن اباتتاندىرۋ جəنە كوگالداندىرۋ ماسەلەلەرى قارالدى.
جيىن جۇمىسىنا مەملەكەتتىك ورگاندار وكىلدەرىنەن وزگە ورمان تəلىمباقتارى مەن باسقارۋشى كومپانيالاردىڭ باسشىلارى قاتىستى.
وسى جىلعى كوكتەمدە وبلىس اۋماعىندا 101 مىڭ كوشەت وتىرعىزىلدى. تابيعي رەسۋرستار جəنە تابيعاتتى پايدالانۋدى رەتتەۋ باسقارماسى جۇرگىزگەن تەكسەرىس كوكتەمگى كوشەتتەردىڭ ۇلاسىپ ءوسۋى 73% قۇراعانىن كورسەتتى. بۇل تۋرالى جيىن كەزىندە باسقارما باسشىسى نۇرجان اققۇل باياندادى. ول سونداي-اق, كۇزدە كوشەت وتىرعىزۋ كەزىندە وبلىستىڭ جاسىل قورى 41 مىڭ كوشەتكە تولىعادى دەپ جوسپارلانىپ وتىرعانىن مالىمدەدى.
باياندامانى تىڭداپ شىققان وبلىس اكىمى بىرقاتار تاپسىرمالار بەردى.
- ەگەر 73 پايىز – ناقتى تسيفر بولسا, وندا بۇل ەداۋىر كورسەتكىش. اعاشتاردىڭ ۇلاسىپ ءوسۋىن مۇقيات قاداعالاپ, سونىمەن قاتار, گۇلزارلار مەن كوگالدار الاڭىن ۇلكەيتۋ جۇمىستارىن جالعاستىرۋ كەرەك, - دەپ اتاپ ءوتتى بەردىبەك ساپارباەۆ.
ول سونداي-اق, جاقىن ماڭداعى اۋماقتاردى كوگالداندىرۋ جۇمىستارىنا اتموسفەرالىق اۋانى لاستاۋشى كاسىپورىنداردى تارتۋدى تاپسىردى.
بۇدان باسقا, ءوڭىر باسشىسىنىڭ تاپسىرماسىمەن اقتوبەدە جاڭا ساياباقتار مەن گۇل باقتارىن قۇرۋ جۇمىستارى جالعاساتىن بولادى. بۇگىندە قالادا 66 ساياباق پەن گۇل باقتارى بار. ولاردىڭ 48-ءى كەم دەگەندە ءۇش جىلدىڭ ىشىندە مەملەكەتتىك جانە بيۋدجەتتىك مەكەمەلەردىڭ, ءتۇرلى كاسىپورىندار قىزمەتكەرلەرىنىڭ جانە بەي جاي قارامايتىن ازاماتتاردىڭ كۇشىمەن «تۋعان جەرگە تاعزىم» اكتسياسى اياسىندا جابدىقتالىپ, اشىلدى. ساياباقتار مەن گۇل باقتارى اۋماقتارىن سۋارۋ جاعدايىن جاقسارتۋ ءۇشىن بيىل سورعىلارى بار 11 سۋ ۇڭعىماسى بۇرعىلاندى, - دەپ جەتكىزدى اقتوبە قالاسىنىڭ اكىمى ءىلياس يسپانوۆ.
جيىن سوڭىندا ءوڭىر باسشىسى اقتوبە قالاسىنىڭ تۇرعىندارى مەن ۇجىمدارىن قوعامدىق سەنبىلىكتەرگە قاتىسۋعا شاقىردى.
تەمىر قۇسايىن,
«ەگەمەن قازاقستان»