شەرتىلمەي قالعان شەرلەردەن,
شەرمەندە بولعان جۇرەگى.
سۇيەم دەپ سەنى سەندەلگەن,
سەزدىڭ بە, سول جان كىم ەدى؟!
ايىرىپ ەستەن ءبىر ەلەس,
ءوز ايتقاندارىن ءجون دەگەن.
جىبەك پەن بايان تۇك ەمەس,
اققۋ دا سەنەن كەم دەگەن.
جۇزىندە يمان كوكتەگەن,
جۇرەگى تۇنعان جىر ەدى.
ارناعان ساعان وتتى ولەڭ,
سەزدىڭ بە, سول جان كىم ەدى؟!
ۇقپادىڭ سىرىن ءسوزىنىڭ,
ۇقپادىڭ ءجايىن كوپتەگەن.
سەن ونىڭ سۇلۋ سەزىمىن,
سەزۋگە ءداتىڭ جەتپەگەن.
ارمانىن ايعا قوندىرىپ,
العان بەتىنەن تانعان جوق.
سەن سۇيمەي كەتكەن سول جىگىت
سۇيكىمسىز بولىپ قالعان جوق.
باسىنا باقىت قونعاندا,
بويتۇمار تاعىپ ۇكىلەر.
سەن سۇيمەي كەتكەن سول جاندى,
سۇيەدى ءالى - اق بۇكىل ەل.
***
ۋادە
بۇل سوزىمە ۋəدە ەتەم əۋەلى,
ءۇنىڭ نەتكەن, دەمىڭ نەتكەن بال ەدى.
ساعان ارناپ جىر جازا الماي كەلەمىن,
دəل وزىڭدەي əدەمى.
قىلىقتارىڭ ءۇشىن ءəربىر سيقىرلى,
ۇمىتقانىم ءۇشىن ءəربىر ۇيقىمدى.
ساعان ارناپ ءبىر جىر جازام دەپ ەدىم,
دəل وزىڭدەي سۇيكىمدى.
مەنەن وزگە جان سەزبەگەن بۇل باقتى.
وقىلاتىن باياۋ ءəرى ىرعاقتى,
ساعان ارناپ جىر جازامىن قالايدا,
دəل وزىڭدەي قىمباتتى.
بولمىسىڭدا مəڭگى شۋاق كوكتەم ءجۇر,
جانارىڭنان اينالايىن توككەن نۇر.
ساعان دەگەن سەزىمىم دە, جىرىم دا,
دəل وزىڭدەي ءموپ-ءمولدىر.
بۇل سوزىمە كوكتە يەم كۋə دە.
بۇل سوزىمە كوك تە, جەر دە كۋə دە.
ساعان ارناپ ولمەيتۇعىن جىر جازام,
بۇل ۋəدەم, ۋəدە.
***
ءتۇس نەمەسە ساعىنىش
سەن ەركەلەدىڭ,
مەن ەنتەلەدىم,
شىداماي
جالىنىڭا ورتەنەمىن.
قيىلعان قارا قاستىم,
ەسىمنەن تاعىياداستىم,
ەرنىڭنىڭ
شارابىنا شالاماسپىن.
كوپ قىزدان سəل قىزعانا,
«جانىم» دەپ جانسىزدانا,
ءۇن قاتتىڭ
قۇلاعىما ءəلسىز عانا.
ءسۇيدىردىڭ, سۇيىكتى ەتتىڭ,
وتىر ەم بيىكتەپ تىم,
ويانسام
ءتۇسىم ەكەن, كۇيىپ كەتتىم.
مەن سەنى ساعىنىپپىن,
جانىم ءجۇر جابىعىپ تىم,
مەن عاشىق
ەكەنىمدى تاعى دا ۇقتىم.
***
حات
سəل ءسۇرىنىپ ءومىر دەيتىن سىناقتا,
ءبىز عانا ما جەتە الماعان مۇراتقا.
تاعدىر ءبىزدى ەكى ايىردى دەگەنمەن,
مەن ءوزىڭدى ۇمىتقام جوق بىراقتا.
مەنى ءسۇيىپ مۇڭ ارتقان دا سەن ەدىڭ,
سەنى ءسۇيىپ ۇناتقان دا مەن ەدىم.
ساعان ارناپ جازعان ەدىم ءمولدىر جىر,
ساعان ءəلى ارنالىپ ءجۇر ولەڭىم.
دەۋشى ەدىڭ عوي,
ء«سىزدى قاتتى ساعىندىم»,
مەن دە سول ءبىر
كۇزگى باقتى ساعىندىم.
كەيدە سەنى ىزدەپ كەتكىم كەلەدى,
قىزعانارىن تۇسىنسەم دە
جارىمنىڭ.
حات جازار ەم بۇكىل حاتقا بەرگىسىز.
حات جازار ەم...
مەكەنجايىڭ بەلگىسىز.
مەن ءوزىڭدى ساعىنامىن ءبىر ءتۇرلى,
سەزىممەنەن ادام ايتسا سەنگىسىز.
سەن سوندا دا ءۇمىت ۇزبە حاتتاردان,
ۇزىلۋگە ءتىستى ەمەس ءتəتتى ارمان.
ساعان جازعان ساعىنىشتى حاتتاردى,
جولداپ قويىپ وتىرايىن
سايتتاردان.
***
ءبəرى بار مەندە پەرىشتە دە بار, جىن دا بار,
قۋانىش تا بار, مۇڭ دا بار.
جايىم جوق بىراق, بۇلدانار.
ءبəرى بار مەندە
جۇمىسىم دا بار, ءۇي دە بار.
تۋىسىم دا بار, ۇل دا بار.
تۇسىنبەيدى بىراق, كەيدە ولار.
ءبəرى بار مەندە,
Əكەم دە امان, انام دا
دəل مەنەن وتكەن باقىتتى جان جوق عالامدا.
سولارعا كەيدە ءبىر سىيلىق سىيلاي المايمىن
ءبəرى بار مىنا زاماندا.
ءبəرى بار مەندە.
بار بولىپ جۇرگەن قاندايدى.
ءبىر جۇتىم سۋمەن ءجىبىتىپ كەپكەن تاڭدايدى
ءبəرى بار دەيمىن,
ءبəرى بار مەندە راسىندا
جوق دەۋگە اۋزىم بارمايدى.
جوق دەۋگە اۋزىم بارمايدى.
***
قۇداي مەنى سۇيەدى. سىنايدى كوپ.
سىناعانى سەنگەنى شىدايدى دەپ.
بەرگەنىنە, ىرزا بوپ العانىنا.
سۇيگەن ق ۇلى بولعاسىن شىداۋ كەرەك.
سىنا قۇداي. كوتەرەم سىناعىڭدى.
بابام ماعان سابىرىن مۇرا قىلدى.
ءبىر كۇندەرى بولماسا, ءبىر كۇندەرى.
جارىلقايىن دەيسىڭ عوي مىنا قۇلدى.
كورسەتەرسىڭ اڭساعان جۇماعىمدى.
سىناقتى كۇن دەگەنىڭ جاۋاپتى كۇن,
بىرەگەيى مەن ەدىم تاعاتتىنىڭ.
جارىلقايىن دەيسىڭ عوي ءبىر كۇندەرى؟
جارىلقاۋعا مۇقتاجبىن بىراق بۇگىن.
قۇداي مەنى سۇيەدى. سىنايدى كوپ.
(كەيدە ءنəپسىم ەڭكىلدەپ جىلايدى كەپ)
مەن قۇدايدى سۇيەمىن جۇرەگىممەن.
ول دا مەنى سۇيەدى.
... قۇداي بىلەد.
***
مۋزىكا
– ۋ-ۋ-ۋ, ۋ-ءۇ-ءۇ, م-م-م.
ۇلىم سەنىڭ وسى عاجاپ ءۋىلىڭ
ەستىلگەندە نۇرعا اينالار كوڭىلىم.
سانام جەتپەي قويۋشى ەدى ومىرگە,
سەن ەكەنسىڭ ءومىرىم.
وسى بولسا تارتار سىيىڭ əۋەلگى,
بۇل سازىڭا بۇكىل بولمىس تəۋەلدى.
ق ۇلىنىم-اۋ, قايدان جاتتاپ العانسىڭ
مۇنداي ۇلى əۋەندى.
نەتكەن كوركەم, نەتكەن ءتəتتى قىلىعىڭ,
وسى ءسəتتىڭ ساداعاسى عۇمىرىم.
قالاي ەدى قايتالاشى, ق ۇلىنىم.
– ۋ-ۋ-ۋ, ۋ-ءۇ-ءۇ, م-م-م.