قىركۇيەك ايىنىڭ سوڭعى اپتاسىندا قوستاناي وبلىسى, امانگەلدى اۋدانىنىڭ 90 جىلدىعى تويلانىپ جاتىر. مەرەكە قارساڭىندا اۋدان ورتالىعىندا تۇرمىستىق كىزمەت كورسەتۋ ءۇيى مەن سپورت الاڭى اشىلدى.
«ۋاكىتپەن ۋندەسكەن ءوڭىر: تاريح. تۇلعا. تاعىلىم» اتتى عىلىمي-پراكتيكالىك كونفەرەنتسيا ءوتتى. ونىڭ الدىندا كورەرمەندەر امانگەلدى وڭىرىندەگى تاريحي كيەلى جەرلەر تۋرالى دەرەكتى ءفيلمدى تاماشالادى. كونفەرەنتسيادا وسى اۋداننىڭ قۇرمەتتى ازاماتى اكادەميك كەنجەعالي ساعاديەۆ, وسى ءوڭىردىڭ تۋماسى, جازۋشى ءسابيت دوسانوۆ, اكادەميك بايزاقوۆ اۋدان تۇرعىندارىن مەرەكەمەن قۇتتىقتادى.
- وسى 90 جىلدىڭ ىشىندە ەڭ ۇلكەن جەتىستىك - تاۋەلسىزدىگىمىز بولدى. ءبىلىم - عىلىم دامىدى. امانگەلدى وڭىرىنەن شىققان پەرزەنتتەر, عالىمدار, ونەر يەلەرى ەلدى الەمگە تانىتىپ ءجۇر, دەدى كەنجەعالي ساعاديەۆ.
مەرەكە قۇرمەتىنە ايتىس ءوتىپ, ايبەك قاليەۆ باس جۇلدەنى الدى. مەرەكەگە جينالعان تۇرعىندار قازاقشا كۇرەستەن جارىستى تاماشالايدى.
ءنازيرا جارىمبەت,
«ەگەمەن قازاقستان»
قوستاناي وبلىسى
امانگەلدى اۋدانى