«برەكسيت» سەبەبىنەن قارجى الەمىندەگى 630 جۇمىس ورنى ۇلىبريتانيادان باسقا مەملەكەتتەرگە كوشىرىلگەن, دەپ حابارلايدى Euronews.
Reuters اگەنتتىگىنىڭ بىرىككەن كورولدىك ايماعىنداعى 134 كومپانيادا جۇرگىزگەن ساۋالناما ناتيجەسىندە, بۇگىندە قارجى ينستيتۋتتارى «برەكسيت» سەبەبىنەن 5800 جۇمىسكەرىن كوشىرۋگە بەل بۋعان. ساۋالناماعا قاتىسقانداردىڭ كوبى ازىرگە مەيىلىنشە از ترانسفەر جاساۋعا تىرىسىپ جاتقانىن ايتتى. ويتكەنى, «برەكسيت» شارتتارى تۋرالى كەلىسىم ەو نارىعىنا جول اشپاق.
ال Helabا نەمىس بانكىنىڭ اناليتيكتەرى جاساعان زەرتتەۋ ناتيجەلەرى بويىنشا, 25 حالىقارالىق بانك باسشىلىعى جۇمىسشىلارىنىڭ جارتىسىن لوندوننان فرانكفۋرتكە كوشىرمەك ويىمەن ءبولىستى.
ساراپشىلار لوندوننىڭ ءالى كۇنگە دەيىن ەڭ ۇلكەن قارجى ورتالىعى ەكەنىن ايتۋدا, الايدا فرانكفۋرت باسەكەلەستىك پوزيتسياسىن ارتتىرماق.