ەندى بايقوڭىرعا جاقىن ورنالاسقان اقاي جانە تورەتام اۋىلدارىنىڭ تۇرعىندارى مەديتسينالىق قىزمەتتى عارىش ايلاعىنان الا الادى. بۇل قازاقستان مەن رەسەي مەملەكەتتەرىنىڭ ۇكىمەتارالىق كەلىسىمدەرىنىڭ ناتيجەسىندە ىسكە اسىپ وتىر.
عارىش ايلاعى قالاسىنا تاياق تاستام جەردە وتىرسا دا وسى ەكى اۋىلدىڭ باسى اۋىرىپ, بالتىرى سىزداعان تۇرعىندارى دارىگەرلىك ەم الۋ ءۇشىن توقسان شاقىرىم جەردەگى قارماقشى اۋدانىنا بارۋعا ءتيىستى بولاتىن. ەندى ول كۇندەر ارتتا قالدى. بايقوڭىر قالاسىنداعى اشىلعان ەمحاناعا قاجەتتى مەديتسينالىق قۇرال-جابدىقتاردى الۋ ءۇشىن 64 ملن. تەڭگە بولىنگەن.
مەديتسينالىق ورتالىق قاجەتتى ماماندارمەن تولىعىمەن قامتاماسىز ەتىلگەن. وبلىستىق دەنساۋلىق ساقتاۋ باسقارماسى قازاقستان ازاماتتارى, ونىڭ ىشىندە زەينەتكەرلەر, 18 جاسقا دەيىنگى بالالار جانە بايقوڭىر قالاسىندا تۇراتىن جۇمىسسىز ازاماتتار وبلىستىق مەديتسينالىق ورتالىق فيليالىنىڭ قىزمەتىن پايدالانا الاتىندىعىن ايتادى.
قازىرگى تاڭدا, ۆاكتسيناتسيا جاساۋ, امبۋلاتوريالىق دەڭگەيدەگى تەگىن ءدارى-دارمەكتەرمەن قامتۋ, ديسپانسەرلىك ناۋقاستاردى ديناميكالىق باقىلاۋ, الدىن-الا تەكسەرۋدەن وتكىزۋ اتاپ ايتساق, اسكەرگە شاقىرۋ الدىنداعى جانە جاسقا تولعانعا دەيىنگى بالالاردى مەديتسينالىق تەكسەرۋدەن وتكىزۋ سياقتى بىرقاتار پروبلەمالىق ماسەلەلەردى شەشۋ ءۇشىن جۇمىس توبى قۇرىلدى.
باقتيار تايجان,
«ەگەمەن قازاقستان».
قىزىلوردا وبلىسى.