بيىل فۋتزالدان تۇڭعىش مارتە چەمپيوندار ليگاسى ۇيىمداستىرىلادى.
وعان قازاقستان اتىنان 2 كوماندا قاتىسپاق. ەل چەپيونى "قايرات" "ا" ليگاسىنىڭ ءۇشىنشى توبىنا ءتۇستى. وندا قارسىلاستار قاتارىندا "فەنيكس" (كوسوۆو), "ليدا" (بەلورۋس), جانە "سپورتينگ" (پورتۋگاليا) كلۋبتارى بار. العاشقى ويىندى "قايرات" 3-قازان كۇنى تۇنگى ساعات 01-30-دا جەرگىلىكتى "فەنيكسكە" قارسى ويناپ باستايدى. وسى ويىنداردى "حابار" ارناسى كۇندەلىكتى تىكەلەي ەفيردە كورسەتىپ وتىرادى.
3-قازان 01-30
"فەنيكس" - "قايرات"
4-قازان 23-00
"قايرات" - "سپورتينگ"
6-قازان 23-00
"سپورتينگ" - "قايرات"
ايتا كەتۋىمىز كەرەك, ويىنداردىڭ بارلىعى كوسوۆودا وتەدى. كەلەسى اينالىمعا توپتاعى ءتورت كوماندانىڭ ۇشەۋى شىعادى.
سونىمەن قاتار, اتالعان تۋرنيرگە قازاقستاننىڭ كۇمىس جۇلدەگەرى "اقتوبە" فۋتزال كلۋبى دا قاتىسادى. ولار "ۆ" ليگاسىنىڭ 6-شى توبىنا ءتۇستى. اقتوبەلىك اياقدوپشىلار ويىندارىن حورۆاتيا ەلىندە وتكىزەدى.