الماتىدا پوليتسيا قىزمەتكەرى ارىپتەسىنىڭ جاراقاتىنان كوز جۇمدى, دەپ حابارلادى ىشكى ىستەر مينيسترلىگىنىڭ رەسمي وكىلى الماس سادۋباەۆ.
«وكىنىشكە قاراي, دارىگەرلەر وقتى جاراقات العان پوليتسيا قىزمەتكەرىنىڭ ءومىرىن قۇتقارا المادى. ارىپتەسىمىز جاسالعان وتا مەن دارىگەرلەردىڭ قولدانعان شارالارىنا قاراماستان, كەشكى ساعات 22:00-دە جان تاپسىردى», دەدى ىشكى ىستەر مينيسترلىگىنىڭ ءباسپاسوز حاتشىسى. سونىمەن قاتار, وزىندىك قاۋىپسىزدىك دەپارتامەنتىنىڭ قىزمەتكەرلەرى كۇدىكتىنى ۇستاپ, يزولياتورعا قاماعانىن ايتتى. قازىرگى تاڭدا ادام ءولتىرۋ دەرەگى بويىنشا سوتقا دەيىنگى تەرگەۋ ءجۇرىپ جاتىر.
بۇعان دەيىن وق اتقان ينسپەكتور مەن قازا تاپقاننىڭ جاقىن تۋىس ەكەنى بەلگىلى بولعان ەدى. سادۋباەۆتىڭ ايتۋىنشا, بۇل وقيعا جەرگىلىكتى پوليتسيا قىزمەتىنىڭ اۋماعىندا ورىن العان.