استانا قالاسىندا قر اقپارات جانە كوممۋنيكاتسيالار مينيسترلىگىنىڭ باستاماسىمەن جىل سايىن وتەتىن حالىقارالىق Astana Media Week فورۋمىنىڭ اياسىندا «قازاقستان» رترك اق مەن قۇرامىنا 20-دان استام وزبەكستاننىڭ ۇزدىك ارنالارى كىرەتىن وزبەك ۇلتتىق تەلەراديوكومپانياسى اراسىندا سەرىكتەستىك جايلى مەموراندۋم بەكىتىلدى.
ەكىجاقتى قۇجاتقا قازاقستان تەلەراديوكورپوراتسياسىنىڭ باسقارما توراعاسى ەرلان قارين مەن وزبەك ۇلتتىق تەلەراديوكومپانياسىنىڭ باسشىسى الىشەر حادجاەۆ قول قويدى.
مەموراندۋمنىڭ نەگىزگى ماقساتى – ورتا ازيا ەلدەرىنىڭ مەدياكەڭىستىكتە بىرىگىپ, ورتاق جوبالاردى جۇزەگە اسىرۋ. سەرىكتەستىكتىڭ باستى باعىتى كورەرمەندەردى سول ەلدەردىڭ مادەني جانە تاريحي قۇندىلىقتارىمەن تانىستىرۋ, سونداي-اق تاجىريبە الماسۋ.
بۇل مەموراندۋم «قازاقستان» كورپوراتسياسىنىڭ مەديااكتيۆتەرى مەن وزبەكستاننىڭ 20 دان اسا تەلەارنالارى جانە راديولارى اراسىندا ەركىن فورمادا بىرلەسە وتىرىپ, جۇمىس جاساۋعا مۇمكىندىك بەرەدى. سونداي-اق, ەكى كورپوراتسيانىڭ قۇرامىنا كىرەتىن تەلارنالار مەن راديو قىزمەتكەرلەرى حالىقارالىق سەمينارلار مەن ترەنينگتەرگە قاتىسىپ, تاجىريبە الماسادى.
«قازاقستان» تەلەراديوكورپوراتسياسى الەمدىك تەلەنارىققا شىعۋعا باعىت الادى, سوندىقتان حالىقارالىق قاتىناستاردىڭ دامۋىنا ۇلكەن ءمان بەرۋدە.