وسكەمەندە «Altai Invest-2018» حالىقارالىق فورۋمى ءوتتى. ماڭىزدى جيىنعا ينۆەستيتسيالار جانە دامۋ ءمينيسترىنىڭ, ۇلتتىق ەكونوميكا ءمينيسترىنىڭ ورىنباسارلارى, ەۋروپالىق قايتا قۇرۋ جانە دامۋ بانكىنىڭ (ەققدب) ديرەكتورى, فرانتسيا, وڭتۇستىك كورەيا جانە ۆەنگريا ەلدەرىنىڭ قازاقستانداعى توتەنشە جانە وكىلەتتى ەلشىلەرىمەن قاتار 20 مەملەكەتتەن 500-دەن استام دەلەگاتتار قاتىستى.
فورۋم اياسىندا جەرگىلىكتى ونىمدەر كورمەسى ۇيىمداستىرىلىپ, قۇنى 886 ميلليارد تەڭگەنى قۇرايتىن 110 جوبا شەت ەلدىك ينۆەستورلاردىڭ نازارىنا ۇسىنىلدى. وبلىس اكىمى دانيال احمەتوۆ فرانتسيا, ۆەنگريا, كورەيا, قىتاي, باسقا دا ەلدەردەن كەلگەن قوناقتارعا جەرگىلىكتى ونىمدەردى كورسەتە وتىرىپ, ايماقتىڭ ينۆەستيتسيالىق الەۋەتىمەن, ينۆەستيتسيا سالۋعا اسا قولايلى ەنەرگەتيكا, اعاش وڭدەۋ, اۋىل شارۋاشىلىعى سالالارىنىڭ مۇمكىندىكتەرىمەن تانىستىردى.
حالىقارالىق ماڭىزدى شارا اياسىندا ەلىمىزدىڭ ىرگەلى كاسىپورىن وكىلدەرى ءبىر-بىرىمەن پىكىر الماستى. فورۋمعا وڭىردەگى ءىرى ءوندىرىس ورنى «قازتسينك» كومپانياسى دا بەلسەنە قاتىستى. «قازاقستاننىڭ ءىرى كومپانيالارى ءارتۇرلى ىسكەرلىك ماسەلەلەرىن تالقىلاپ, تاجىريبەلەرىن ءبولىسۋى ءۇشىن «ALTAI INVEST» فورۋمى سەكىلدى الاڭدار اسا قاجەت. «قازتسينكپەن» سەرىكتەس بولۋعا نيەت بىلدىرگەن وتاندىق كاسىپورىندارعا قاشاندا ەسىگىمىز اشىق. ساتىپ الۋ بارىسىندا قازاقستاندىق مازمۇندى ارتتىرۋ ءبىزدىڭ باسىم باعىتتارىمىزدىڭ ءبىرى بولىپ قالا بەرەدى. بۇگىندە ءبىز جىل سايىن قازاقستاندىق فيرمالارمەن 14 مىڭ كەلىسىمشارت جاسايتىندىعىمىزدى ماقتانىشپەن ايتقىم كەلەدى. مۇنداي فورۋمدار وتاندىق وندىرۋشىلەردىڭ قاتارىن ارتتىرا تۇسەتىنىنە سەنىم مول», - دەيدى «قازتسينك» جشس اكىمشىلىك ماسەلەلەر جونىندەگى اتقارۋشى ديرەكتورى اندرەي لازارەۆ.
ازامات قاسىم,
«ەگەمەن قازاقستان»
وسكەمەن