كەشە استانا قالاسىندا دۇنيەجۇزىلىك ساۋدا ۇيىمىنا (دسۇ) قوسىلۋ جونىندەگى جەتىنشى دوڭگەلەك ۇستەل وتىرىسى وتكىزىلدى. وعان الەمنىڭ 40-تان استام ەلىنىڭ وكىلدەرى قاتىستى.
استانادا وتكەن دوڭگەلەك ۇستەل «كوپجاقتى ساۋدا جۇيەسىنىڭ بولاشاعىنا ەۋرازيالىق كوزقاراس: دسۇ-عا قوسىلۋ جانە دسۇ قاعيدالارى» تاقىرىبىمەن ءوتتى. باسقوسۋعا قاتىسۋشىلار اتاپ كورسەتكەندەي, بۇل تاقىرىپ اتالعان ايماقتاعى قازىرگى جاعداي مەن الداعى پەرسپەكتيۆالاردى باعالاۋ ماقساتىندا بەلگىلەندى.
قازاقستان دسۇ-عا 2015 جىلعى قاراشادا بۇل ۇيىم 162-تولىققاندى مۇشەسىنە اينالعان ەدى. ەلىمىزدىڭ دسۇ-عا قوسىلۋ جونىندەگى كەلىسسوزدەر ۇدەرىسى دسۇ تاريحىنداعى ەڭ كۇردەلى دە بىرەگەي كەلىسسوز ۇدەرىستەرىنىڭ ءبىرى رەتىندە باعالانۋدا. وسىنىڭ ناتيجەسىندە ۇيىم مۇشەلەرى قازاقستاندى ساۋدا ساياساتىن حالىقارالىق قۇقىقتارعا سايكەس جۇرگىزەتىن, قولايلى ينۆەستيتسيالىق احۋالى بار ەل رەتىندە تانىدى. قازىرگى تاڭدا قازاقستان الەمنىڭ 185 ەلىمەن ساۋدا قارىم-قاتىناستارىن دامىتۋدا, ەلىمىزدىڭ سىرتقى ساۋداسىنىڭ 90%-ءى دسۇ-عا مۇشە ەلدەرگە تيەسىلى بولىپ وتىر.
استانادا وتكەن دوڭگەلەك ۇستەل بارىسىندا ءمالىم بولعانداي, قازاقستاننىڭ سىرتقى ساۋدا كولەمى 2017 جىلى 77 ملرد اقش دوللارىن قۇرادى. سوڭعى 10 جىلدا ءبىزدىڭ ەلىمىزگە تارتىلعان تىكەلەي شەتەلدىك ينۆەستيتسيالار كولەمى 200 ملرد اقش دوللارىنان استى.
سۇڭعات ءالىپباي,
«ەگەمەن قازاقستان»