باكۋدە دزيۋدودان ءوتىپ جاتقان الەم چەمپيوناتىندا بۇگىن ەكى سالماق دارەجەسى بويىنشا جۇلدەلەر ساراپقا سالىنۋدا. وكىنىشكە قاراي, جارىس جولىنا شىققان جەرلەستەرىمىزدىڭ ۇشەۋى دە تۇساۋكەسەر كەزدەسۋلەرىندە ۇتىلىپ, ءوز جانكۇيەرلەرىن جەرگە قاراتتى.
ەرلەر اراسىنداعى 90 كيلو سالماقتاعى يسلام بوزباەۆ (90 كيلو) ۆەنگريالىق كريستيان توتپەن ايقاستى. 2014 جىلى چەليابيسكىدەگى الەم چەمپيوناتى مەن 2016 جىلى قازانداعى ەۋروپا بىرىنشىلىگىنىڭ كۇمىس مەدالىن يەلەنگەن بالۋانعا قۇرلىقتىق دەڭگەيدەگى دودالاردا جۇلدە الىپ جۇرگەن قانداسىمىزدىڭ ءالى جەتپەدى. نەگىزگى جانە قوسىمشا ۋاقىتتا ەكەۋى دە ءبىر-ءبىرىنىنىڭ وسال تۇسىن تابا العان جوق. دەسەك تە يسلامعا ءۇشىنشى مارتە ەسكەرتۋ جاساعان تورەشى ونى جارىس جولىنان شىعارىپ تاستادى.
ايەلدەر اراسىندا 70 كيلو سالماقتا بەلدەسكەن اەليتا ششەرباكوۆا مەن اجار سالىقوۆانىڭ ەكەۋى دە يسپانيادان كەلگەن دزيۋدوشىلارمەن شەبەرلىك بايقاستى. الايدا جەرلەستەرىمىزدىڭ جولى بولمادى. اەليتا ماريا بەرنابەۋگە ۇتىلسا, اجار سارا رودريگەسكە ەسە جىبەردى.
سونىمەن, بۇگىن قازاقستاندىق بالۋاندار ءۇشىن جارىس اياقتالدى. ەرتەڭ 100 كيلو سالماق دارەجەسىندە ۆيكتور دەميانەنكو باق سىنايدى. ونىڭ العاشقى اينالىمداعى قارسىلاسى – ءباا-ءنىڭ وكىلى يۆان رەمارەنكو. 78 كەلى سالماقتا كۇرەسەتىن زارينا رايفوۆا گۆينەيا سپورتشىسى ماماداما سيۋللامەن سايىسقا تۇسەدى.
عالىم سۇلەيمەن,
«ەگەمەن قازاقستان»