«رەسمي مالىمەتتەر بويىنشا «فلورەنس» داۋىلىنىڭ ناتيجەسىندە زارداپ شەگۋشىلەر سانى 37-گە جەتتى»,-دەپ حابارلايدى USA Today باسىلىمى.
ەلدىڭ وڭتۇستىك-شىعىس جاعالاۋىن جايپاپ وتكەن اپاتتان زارداپ شەككەندەر قاتارىندا 2 بالا بار.
داۋىل 14 قىركۇيەك كۇنى سولتۇستىك امەريكانىڭ جاعالاۋلارىنا جەتكەن ەدى. مامانداردىڭ ايتۋىنشا, اپاتتىڭ كۇشى بىردەن السىرەي باستاسا دا, سوققان جەلدىڭ جىلدامدىعى 75 كيلومەتردەن اسپادى. دەگەنمەن, اپاتتىڭ زاردابى ايتارلىقتاي ۇلكەن. ويتكەنى ءتىلسىز جاۋ وزىمەن بىرگە الاپات داۋىلدى عانا ەمەس, ۇلكەن جاۋىن-شاشىندى الا كەلدى. سونىڭ ناتيجەسىندە ايماقتا سۋ دەڭگەيى شەكتەن تىس كوتەرىلىپ, مىڭداعان ءۇي سۋ استىندا قالدى.
سينوپتيكتەردىڭ جەدەل اقپارات بەرىپ وتىرعانىنا قاراماستان, اپات زاردابىنان ساقتانۋ مۇمكىن بولمادى.